Mostrè header
Comunité

FESTA di 150 de consacraziun dla dlijia da Lungiarü

Le consëi de cöra da Lungiarü inviëia düc dër bel en Les Antles, ai 18 de jügn a fetejè para la festa di 150 de consacraziun dla dlijia da Lungiarü

Por l`abelimënt dla festa ele plü manifestaziun sciöche dal program injuntè.
I se confertun a chësc gran y bel avenimënt y sperun te na gran partezipaziun ince da pert dles altes cöres!
Les manifestaziuns è chëstes:
    

Ultima Plata dla Ploania

Valgünes foto dla dlijia da Lungiarü

Santa Lizia

Santa Lizia é na santa che á vit ti agn incër 286 y 310 a Siracusa. Süa fossa é gnüda ciafada dailó tla catacomba de S. Giovanni cun na iscriziun che testemoniëia süa veneraziun bele dër adora. Por perié do la varijun de süa uma, dess Lizia ester jüda da jona a Catania söla fossa de Santa Agata. Tl som l’á la santa inviada da se dediché ala fede y al aiüt di püri y ti á dit danfora le martíre. Sön chësta s’ára despartí da so cherstian che l’á plurada por süa fede cristiana y sües opres de ciarité dan dal imparadú Dioclezian, sot a chël ch’ara é spo gnüda copada.

L’inom Lizia significhëia la Lominosa: Do la liënda se metôra söl ce na gherlanda de ciandëres por jí tla scurité dles catacombes a ti porté aiüt y da mangé ai cristians ascognüs. Do süa mort án defata metü man da veneré sües relicuies y da fá sö dlijies a so onur.

Por l’interzesciun de Santa Lizia periunse che Idî nes dëides da testemonié nosta fede tl amur y tles opres de ciarité. Tl medemo tëmp orunse ince rengrazié dla löm di edli y perié ch’i odunse le monn y nosc compit ch’i un söla tera cun i edli de Dî. 

1. Inns y cianties inalzunse sö a te, 
o Santa Lizia, stëra lominosa y bela
tö confort de nosta fede.
R: O Santa Lizia,
nosta patrona,
jona acorta, jona fedela, 
prëia por nos,
o prëia por nos.
4. De Gejú gran testemona 
tl perié y te to vire 
jüda incuntra zënza pora, 
don tüa vita, al martíre. R
2. Dediché tüa vita aste
al Signur, tüa gran speranza, 
tres tigní pro ël te aste 
ligra te süa vijinanza. R
5. Santa, ciara de nüsc edli 
ch'i oduns' i bëgns dla tera 
y podunse, jogn y vedli, 
amiré la löm eterna. R
3. Orentida de i plajëi 
ofrí t'aste döta canta, 
döt to cör y tüa ciantia, 
tüa jonëza y to avëi. R
6. Dan alté unis da festa
pro le pan y la parora
te laldunse en bela iesta 
nücia al cil pro past da noza. R 

Orars dles S. Mësses tla Val Badia

valutaziun
Submitting your vote...
stampè