Mostrè header
Comunité

Ploan: Siur Paul Campei

adressa:

Via S. Antone 16
I-39030 San Martin de Tor 

Tel. Calonia: 0474 520012
Tel. Siur Paul: 380 7345533

e-mail: campei.paul(at)rolmail.net    

Ultima Plata de Ploania

Vijita Pastorala Rina 2017

Orun ti dé l‘ bëgn gnü y ti fá festa a nosc Vësco Ivo Muser, che vëgn en domëgna, ai 26 de novëmber 2017 tla Ploania da Rina, por zelebré deboriada a düc nos la Gran S. Mëssa da festa y dedô encunté y sté deboriada con döta la popolaziun.

 

Düc é porchël dër bel enviá da to pert ala festa, da mëter man con salüdé l‘Vësco jö dala scora, y spo do l‘ingres y la S. Mëssa, ince tó pert ala encuntada jö en salf!               
                                              L‘Consëi de Cöra

 

Dla encuntada dl Consëi de Cöra, adöm coi rapresentanc dles uniuns, él gnü ciaré da mëter jö n program plü monü, por ci che reverda la vijita pastorala de nosc Vësco te nosta ploania ch‘i ciafëis sön cösta plata.

Por podëi spo sté adöm ciamó cun nosc Vësco do Mëssa periunse, chi che sciafia en pü‘, de arjigné ca val‘ por l‘agape y dal‘ porté da doman, dales 8:00 ennant, jö te Salf dles Manifestaziuns, olá che les Fomenes l‘tol jö. Por l‘bëre él la ploania che fistidiará.

Quiz: por se preparé ala vijita pastorala él gnü arjigné cá en quiz por conësce miú nosc vësco, nosta diozeja y nosta ploania. Les zetoles dai quiz pó gni dades jö te dlijia cina en domënia ai 19 de novëmber. Danter düc chi che á respognü dërt a dötes les 20 domandes gnarâl trat fora pro la encuntada col Vësco valgügn pesc´      .

Te Dlijia  se mët sö i scolars atira sö da pice alté por cianté la pröma ciantia. Dedô vai tles prömes 5 proches do confescional, che é reservades ai scolars.
Di 13 ministronc sarâle 9 co vá tles proches encër alté y 4 sorvësc a messa. L‘confarun di ministronc vegn metü sö te proca. I leturs che á ciamó lerch podëss ince sté tles proches sö da alté, i atri ciara da sté tles prömes proches.
Les bandires di Jogn y dles Jones vëgn metödes tles proches. La bandira di Stödafüc vegn tignida dan l‘pice üsc y chëres dla Musiga y Cor di ëi sö dal gran alté, öna por pert.
Do l‘ingres se mët sö l‘pröm confarun dan üsc de dlijia danter capela di morc y ciantun de dlijia, cina che düc é da porta ite y dedô vëgn düc i confaruns endô metüs ia te tabarel.

I stödafüc Agostin, Lois y Amadio se crüzia da mëter sö y organisé l‘ingres te dlijia: prëibel, sce düc se lascia arvëne y proa da daidé.

A düc danfora en bel dilan dl aiüt y contribut.

 

Program dl de 26/11/2017

Dales 8:00 ennant pón dé jö l‘patüc por l‘agape jö te salf.

Dan les 9 röa l‘Vësco con l‘auto sön plaza dla scora, olá ch‘al vëgn tut sö dai Stödafüc. La popolaziun che s‘abina sön plaza dla scora pó encuntè y salüdé l‘Vësco, che vá spo te scora a se iestí l‘guant da mëssa.

Da les 8:45 sona les ciampanes da festa al chert:
Ministronc iestis sö y con l‘pice confarun, i confaruns,  les bandires y la Musiga se endüna sön plaza de dlijia, por jí deboriada jö te plaza dla scora.

Dales 8:50 lascia les ciampanes da soné y Ministronc, bandires y confaruns vá jö en ordin, acompagná dal „Schlagzeug“ dla Musiga cina jö dla scora.
Canche la musiga é roada jö, sona indô les ciampanes dampró sö y da festa, cina les 9.

Dales 9:00 vëgn l‘Vësco da scora fora y vëgn salüdé:
- con na ciantia dal Cor di ëi,
- trei parores de bëgn gnü dla surastanta dl Consëi y
- en raiml dit sö da valgügn mituns.

Dartan che la Musiga sona en toch, se met sö düc i grups por l‘ingres te dlijia, te cösc ordin:
- pice confarun
- l‘crist
- scolars con maestres
- bandires di Jogn y dles Jones

-
bandires dles uniuns, Stödafüc, Cor di ëi y Musiga
- Musiga
- Cor di ëi
- Cor de dlijia
- Ministronc col Ploan y l‘Vësco
- 2° confarun y Omi / ëi
- 3° confarun y Fomenes / ëres

Ingres te dlijia düc deboriada, acompagná dala Musiga                  
(les ciampanes ne sona nia)

Gran S. Mëssa da festa - desco da program tlo dlungia

Do mëssa se mët sö la Musiga son plaza de dlijia y sona valgügn toc denant co acompagné l‘Vësco con döta la popolaziun jö te salf dla scora por la encuntada.

Te gran salf agape y encuntada dl Vësco con la popolaziun:
düc é dër bel enviá a to pert y s‘la cunté col Vësco.
L‘Cor di ëi y la „Böhmische“ cianta y sona valgügn toc.

Dales 12 enviunse l‘Vësco a marena sö dal Cargá, adöm ai rapresentanc di Consëis dla ploania.

 

Gran S. Mëssa da festa

•   Ingres te dlijia                                          Orghe de dlijia

•   Ciantia „Fang das Licht“                          Scolars da Rina

•   Parores de salüt                                     Surastanta dl Consëi

•   Ein Haus voll Glorie (846)                       comunité y Cor de dlijia

•   Kyrie                                                         Cor de dlijia

•   Gloria                                                       Cor de dlijia

•   1a letöra (talian)                                      Jonn/a

•   Salm fora dl Saltier                                  Cantors dl Cor

•   2a letöra (todesch)                                  Om/Fomena

•   Alleluja                                                     comunité y Cor de dlijia

•   Vangele (ladin)                                        Siur Paul

•   Pordica de resposta                               domandes portades dant
a 3 domandes sön letöres,                     da 3 membri fora dla comunité
ploania y vijita pastorala                        

•   Credo (latin)                                             comunité

•   Supliches (ladin)                                      portades dant da en möt,    
                                                                jonn/a, fomena, om,
                                                                senior y ciantadú   (S. Zezilia)

•   Ofertore: Ciantia a S. Maria                    Cor di ëi         

•   Sant                                                         Cor de dlijia

•   Vater Unser (tod. 892)                           cianté dla comunité

•   Agnus Dei / Comuniun                            Cor de dlijia - 2 cianties

•   Do la Comuniun:
„O munts y vals ladines“                         comunité

•   Parores de rengraziamont                      Siur Paul
y invit ala encuntada

•   Ala fin: „Großer Gott“ (857)                   comunité y Cor de dlijia

•   Benedisciun dl Vësco                             

 

•   Conclujiun                                               Orghe de dlijia

 

 

PROGRAM VIJITA PASTORALA RINA 2017

Con en clik söl'program pôn se desciarié l'file pdf!

Festa dla Racoiüda y dai Iubilars da noza ai 8 de october 2017

En domënia ai 8 de october 2017 él sté la festa dla racoiüda y por i iubilars de matrimone, de 20, 25, 30, 45, 50 y 55 agn!

I iubilars: 

  • Castlunger Zeno y Maia            55 agn
  • Pedevilla Celestina y Elsa         55 agn
  • Rungger Rudi y Gusta              50 agn
  • Gasser Frik y Teresa                 45 agn
  • Promberger Fritz y Edeltraud     30 agn
  • Ferdigg Iaco y Ingrid                  30 agn
  • Vigg Roland y Valeria                 25 agn
  • Elzenbaumer Alfons y Elisabeth  20 agn

Dô la Santa Messa é i iubilars con i familiars gnüs enviá jö te salf por na picia encuntada deboriada.

Ince la Santa Maria dal Bambin ê en cösta domënia endô da odëi te dlijia, do ch'ara é gnüda puzenada y laé le bel guant.

Rengraziamont a Giovanni (05.03.17)

Encö orunse ince tó l’ocajiun, dal Consei de Cöra enfora, mo ince a ennom dla Ploania, da rengrazié Giovanni.

Tö ès sté por 43 agn member dl Consei de Cöra y de chisc por ben 33 agn sciöche president, olá che t’as fat tröp de ben por nosta comunité.

Ben tröc laurs, aste, adöm a tü colauradûs, condüt ennant y slüt jö. Sot a töa responsabilité podunse avei encö na bela dlijia ressanada y ampliada cun n orghe nü, na capela di morc, l’ciampanin dorteré sö cun l’gherist nü dles ciampanes, la cortina engrandida y n gröm d’atri laurs, ch’i ne savun ma gnanca.

Düc chisc laurs è sogü stá acompagná da nia püces bries, dubbi y … samben ince val’critica. Da fá dert a düc, savunse, él der rie, mo empó este sté bun de i porté a fin cun gran convinziun cristiana y empegn te töa funziun sciöche president…y i podun dí, che t’as fat n bun laur.

L’laur che t’as spo albü ciamó da acompagné funziuns, encuntades, sontades y tröp d’ater…chel saste ma tö y Chel Bel Dîe. Sciöche i an aldí endant, aste ince ciamó tut sö i ultimi agn l’impegn, da jí y slü jö l curs por condü les Liturgies dla Parora.

Cun tó bun ejempl s’aste acompagné söl tru dla fede y deboriada sperunse de podei jí ennant, sperenn söl contribut atîf de tröc de nos laics. N’en vara pö de podei garantí ennant da fá comunité y da s’encunté düc atló, te dlijia, por aldí la Parora de Dîe.

Porchel Giovanni- orunse encö te dí da pert de nos düc atló n gran y fort dilan por düc chisc agn che t’as lauré por l’ben de nosta Ploania.

N gran dilan ti vá samben ince a töa familia, a töa fomena y a tü mituns, che t’á sogü daidé te trepes situaziuns, t’á sostegní y t’á dé forza, y che á gonôt pazionté por l’tomp che te stês jö dla familia por te meter a desposiziun de nosta comunité.

Por düc i miric sarâle Chel Bel Dîe che te paiará, mo nos, sciöche segno de reconescionza, te sorandun na scincunda. 

Cöst’ora dess simbolisé l’ laur de 43 agn, l’tomp che t’è gnü scinché da Chel Bel Dîe y che t’as salpü da anüzé ince por l’ben di atri.

Ara dess ince raprejenté l’tomp che gnará, chel da sté deplü te töa familia, ti jí do a to laur y a töes ligrezes, mo ince da te dé ca ennant te pici y gragn sorvîsc, ch’i te periun ennant da sorantó por nosta comunité.

Giovanni, de cör n bel gran dilan de döt cant y döt l’bun por l dagní.

Gertrud
por l’Consëi de Ploania

Orars dles S. Mësses tla Val Badia

Festes - prozesciuns y manifestaziuns - desvalies

valutaziun
Submitting your vote...
stampè