Home
Comunité

Zënter sozial "La Spona"

Funzionamënt dla strotöra

Le salf de laûr protezionè é na strotöra de sojornanza en pert-stazionara, daverta ca. 210 dis al ann, dal lönesc ala jöbia dales 08.00 ales 15.00 y le vëndres dales 08.00 ales 13.00. Tratan döes edemes al ann vëgnel fat ativitês desvalies mo nia laorè te bercstot; le salf de laûr protezionè n’é nia davert mo al vëgnel impò pité assistënza. Ti ultimi dui agn él p.e. gnü metü a jì n iade al mer tratan chëstes döes edemes.

 
La comunité d’abitaziun é na strotöra de sojornanza stazionara, daverta ca. 210 dis al ann, dal lönesc dales 15.00 al vëndres ales 08.00. De nöt vëgnel pité en cajo de bojëgn n sorvisc aprontè.
Sce un di assistis é püre, pol ciafè assistënza söl post o gnì acompagné a ćiasa da n familiar.
Al gnarà pité plü inant la poscibilité, sce ara vëgn damanada almanco da dui a trëi assistis, da ciafè n’assistënza por 365 dis al ann.
L’abitaziun de proa é inće na strotöra stazionara, daverta danter 210 y 365 dis al ann. I dis de daurida vëgn fać fora plö avisa en ocajiun dl’amisciun y aladô di bojëgns y dl livel d’autonomia dl’assistì. L’abitaziun resta spo daverta vigni dé, inće tratan le fin dl’edema y tratan les festes.
L’assistì é dal vëndres dales 13.00 al lönesc ales 08.00 y tratan les festes da sù, zënza assistënza. Tratan la nöt ne vëgnel nia pité n sorvisc aprontè. Sce l’assistì ess da ester püre, spo él la poscibilité de ciafè assistënza tres le salf de laûr protezionè o de gnì acompagné a ćiasa da n familiar.

Misciun

Zënter Sozial La Spona

Pidrô 15

I-39030 La Val

Tel.: 0471/843060

www.laspona.it

info(at)laspona.it

 

valutaziun
Submitting your vote...
stampè