La Jonëza da Paur de Badia è stada metüda sö tl ann 1980 da n valgügn paurs jogn de Badia. Do plö de 30 agn de ativité compëdla plö de 100 mëmbri y purchël pon la conscidré üna dles plö gran jonëzes da paur de düt Südtirol. Le consëi dla Jonëza da Paur de Badia è atualmënter formé da 12 porsones, 6 jogn y 6 jones. A ce él Christian Irsara y Karin Alfarei, i vizesurastanć è Moritz Irsara y Helene Irsara, le cassir è Matteo Picolruaz, le scrivan è Winfried Pezzei, i atri mëmbri è Pezzei Patrizia, Irsara Eveline, Tasser Marlene, Pescolderung Sara, Tasser Martin y Valentin Samuel.

La Jonëza da Paur de Badia è dër ativa tla vita dl paisc: ala tëgn sö les beles tradiziun y usanzes, ala se crüzia de mët a ji cursc y referac che da la poscibilitè de se informé sura argomënć desvalies, ala organisëia gites,  bai y festes, sciöche la segra de Badia y ala da suradüt la poscibilité ai jogn de pudëi ste adüm, se conësce y se divertì.