La storia de na organisaziun desco la musiga e n to' de storia dal paisc, olach'ara a desfire soa ativite tai agn. Porchel orunse inć nos odei la storia de nosta musiga tal cader dla storia dal paisc d'Al Plan ai tomps ch'ara e nasciuda y a opere. I orun oje la telecamera de nosta cunteja nia ma son la musiga enstessa, mo son dot ć co e sozedu encer era ia. Por chi co e enstesc stes protagonisćde chi tomps pol ester en recort plajor de porsones y faćda plu dadio, ai plu jogn na ocajiun por empare a conesce miu la storia de so paisc. Mo ćamo denanco gni a baie d'Al Plan pol ester enteressant da odei en iade co che les musighes e gnudes motudes so damproia te nosta tera de Sudtirol y plu avisa tal raiun ladin, y olache chera d'Al Plan e da encadre ete....