Os sëis chilò: Val Badia Online Plata iniziala/Comunité/Cultura/Lingaz ladin/spo saràl
Ćiodì scrîon pa “spo saràl” y nia “spo saral”?
Tla forma normala, chël ô dì canche le pronom é dan le verb, à i verbs dla terza porsona tl futur dagnora n azënt sön le vocal. Chësc vëgn mantignì inće canche al ti vëgn tachè pormez le pronom entlitich.
Insciö por ejëmpl:
al mangiarà | spo mangiaràl |
al batarà | spo bataràl |
al dormiarà | spo dormiaràl |
al orarà | spo oraràl
|
ara lasciarà | spo lasciaràra |
ara odarà | spo odaràra |
ara ojarà | spo ojaràra |
ara floriarà | spo floriaràra
|
ai pitarà | spo pitarài |
ai savarà | spo savarài |
ai mordarà | spo mordarài |
ai finiarà | spo finiarài
|
ares cuntarà | spo cuntaràres |
ares plajarà | spo plajaràres |
ares cojarà | spo cojaràres |
ares patiarà | spo patiaràres |
