Mostrè header
Fodom

Prejentazion

La Banda a Cianacei
La Banda al Rifugio Fodom
Benediscion de la bandiera

La Banda dei Jovegn da Fodom l é stada metuda su de fauré del 2005 per enteresciament den valgugn apascionèi de mujica, e co l sosten de le fameie, che recugnësc a chësta l gran valour che l’ á per la socialisazion, l divertiment , la cultura e l turismo de la val.


Ncuoi la banda la tòl ite 32 jovegn musicànc, tosac e tosate dai 8 agn nsu, che dute le sabede davòmesdì i frecuenta la scòla de mujica e le prove de banda dal meis de setembre fin de jugn, a la fin de la scòla d’obligo. La scòla de mujica l é gestida da la "Nuova Didattica Musicale " de l'Accademia Giocachino Rossini " de Belum che provede a l'ensegnament con cater profescionisc de mujica per banda : la maestra de ance Laura Zallot, la maestra de flauti Luisa Nalato , l maestro Andrea d'Incà per i ottoni ( trombe, trombons, flicorgn, corgn e basc) e l maestro de oboe Davide Mori. La mujica da Fodom l é diretta, bele da siech agn da la Prof.ssa Laura Argenta. Sostitut diretor l é Giuliano Federa , en joven da Fodom che à fat en corso de diretor organisé da la region del Friaul. L'ensegnament de la teoria a chi pichi l é dé su a la brava cornista Eleonora Demattia.


La banda ades la s'à slargé fora. L é nasciuda ence na "Minibanda" direta da Giuliano Federa che tòl ite i pichi aspirànc sonadous da la tèrza elementar nsu. Davànt puoch l é stè metù su , per nteresciament dei maestri Andrea D'Incà e Laura Zallot l grop mujical '"Ics Wind Ensemble ", en otet co nen flauto, trei clarinec, en sax contralt, en sax tenor, en corn e n trombon. Sto grop l à tout pèrt an concors nazional de strumenc a flé che l é sté tegnù a Bertiolo en provinzia de Udine ite per Auril, ulache l'à otegnù l tèrzo pòsto en graduatòria.

La banda l'è mpegnada a fè prove per la registrazion del prum CD /DVD che vignarà fàra via per l'auton 2011.

valutaziun
Submitting your vote...
stampè