Home
Noeles

Dolomites Bike Day

Trëi jus, dües provinzes y trëi valades ladines fajará da cornisc ala prüma ediziun dl Dolomites Bike Day en domënia ai 18 de jügn 2017

 

I jus de Ciaulunch, Falzares y Valparola é i protagonisć dla prüma ediziun dl Dolomites Bike Day, en program domënia ai 18 de jügn. Le percurs dl Dolomites Bike Day a forma de anel pëia ia dal’Alta Badia sura Ciaulunch cina a Reba y pasa fora por i paisc de La Pli de Fodom y Cernadoi. Da chiló van spo sön le ju de Falzares y Valparola por ruvé zeruch ti paisc da La Ila y Corvara y stlü jö insciö la roda. Pié ia pon sambëgn ince dai paisc de Reba o La Pli y lascé le ju de Ciaulunch sciöche ultim. Le percurs á na lunghëza totala de 51km cun n dislivel de 1.290m. Dales 10:00 ales 15:00 gnarale en chësc de stlüt les strades al trafich motorisé, insciö da ti lascé lerch y ti pité plö segurëza ales rodes fora por düt le percurs. Al vëgn aconsié da fá la roda en direziun antioraria. Düc i amanc dla roda, sides de chëla da strada che ince mountain bike, é dër bel inviá a tó pert ala manifestaziun, a chëla che an ne á nia bria da se scrí ite. Deplö informaziuns ciafen ala plata internet: www.dolomitesbikeday.it

valutaziun
Submitting your vote...
stampè