Home
Noeles

“FERRAGOSTO” A LA ILA

Mertesc ai 15 d’agost dales 11.00 inant tl zënter dl paisc – Dales 14.30 saral la gran defilada dal tema “La storia di ladins dles Dolomites”

Sciöche da tradiziun gnaral tigní ince en chësc ann la festa de Santa Maria dai Ciüf tl paisc da La Ila, le mertesc ai 15 de agost dales 11.00 inant. Le de de festa metará man cun na griliada y “Frühschoppen” tl parch tl zënter dl paisc, dlungia l’Hotel Ladinia. Dales 11.30 podaran ascuté le conzert dla Müjiga da La Ila y dala üna sarale i plattleri dla Val Badia che porta dant so spetacul. Le de de divertimënt y folclor jará inant dales 14.30 cun la defilada fora por le zënter da La Ila, en chësc ann caraterisada dal tema “La storia di ladins dles Dolomites”. Da odëi sarale de vigni sort de ciars y de costüms che mostra i avenimënc plö importanc dla storia di ladins, dala nasciüda de nosc lingaz cina aldedaincö. Dedo jará la festa inant cun spezialites gastronomiches y deplü sortes de jüc por gragn y pici y cun i conzerc dla Müjiga da San Sciomun y da La Val. Da sëra gnaràl pité musiga da bal cun le grup “Vollgas”.

valutaziun
Submitting your vote...
stampè