Home
Noeles

Defilada di Angeli y Corvara

En sabeda ai 9 de dezëmber vëgnel organisé la secunda ediziun dla defilada de angeli fora por le paisc da Corvara. La manifestaziun mët man dales 16:00 pro le stade dla dlacia, olache les mitans dl jadiné artisich, les “Ice Angels”, mostrará na cürta esibiziun sön la dlacia. La defilada pëia ia do le spetacul dal stade dla dlacia, fora por la strada prinzipala de Corvara, por rové sön la plaza de Comun al pice marcé da Nadé. Chiló gnarale tigní n conzert de benefiziënza adöm a deplü grups musicai, che porta dant les plö beles melodies d’Advënt y da Nadé. Le davagn di produc tipics y dl patüc duc che vëgn venü en chësta ocajiun, sciöche ince les spënores de bona man, gnará dades en benefiziënza a “La Spona” da Pidro, a la Val, olache a tröpes porsones cun n handicap ti vëgnel dé la poscibilité da lauré y pratiché ativités te n salf de laur protezioné.

Düc chi che ess interes y ligrëza da tó pert ala defilada di angeli y da passé insciö na bela sëra plëna d’emoziuns d’Advënt, é dër bel inviá da tó sö contat cun l’ufize turistich de Corvara al nr 0471 836176 o por email corvara(at)altabadia.org.

valutaziun
Submitting your vote...
stampè