Home
Noeles

L’ann 2018 mët man bun por i tennisc badioc

Tl edema  dai 01.01. ai 07.01.18 el sté l’ torneo RE LAURINO a Balsan, olache i trëi  atlec  Dallapiazza Kilian,  Vinatzer Kevin y Vinatzer Nadine dl Tennisclub Ladinia á tut pert. Ai se á confronté cun mituns y mitans che gnô daplö provinzies dla Talia. Nosc atlec á messü fá plö partides te chësta edema. Les prömes partides dl edema se á fat nosc sogadusc scialdí saurí ,mo rovan tres plö daimpró ala finala  fô les partides tres plö combatüdes y  düc trëi á desmustré n gran impëgn.

Kevin che soga tla categoria Under 10 mituns á porté a ciasa l’ titul te chësta categoria y á batü tla finala l’ aversar dl Piemonte.

Kilian che soga tla categoria Under 12 mituns è rové cina tla finala y á rajunt le secundo post.

Nadine che soga tla categoria Under 14 è rovada cina ti cuarti de finala, olache l’ aversaria da Balsan á albü la miu .

A düc trëi ti va n gran complimënt por süa prestaziun.

valutaziun
Submitting your vote...
stampè