Home
Noeles

20 agn CRAZY SNOW SHOW y Scora de Schi Dolomites

History of the Ski School

Le spetacul sön la pista „Doninz-Gardenacia“ tl zënter da La Ila gnará desfiré en jöbia ai 15 de forá dales 21.00. En program éle ince n spetacul cun i giac dala nëi y la desmostraziun tecnica dles disciplines sön i schi, cun dütes les tutes da maester de schi che an á albü te chisc ultims 20 agn.

La “Crazy Snow Show” organisada dala Scora de Schi y Snowboard Dolomites, en la colaboraziun cun l’Assoziaziun Turistica de Badia, é oramai rovada a süa 20ejima ediziun. I 75 maestri de schi jogn, dinamics y apascioná pitará raic cun i schi sincronisá y presentará les ultimes novites che reverda schi, brëia, telemark, schi alpinism y paslunch. En chëst ann vëgnel cunté la storia dla scora de schi Dolomites, mostran les tutes desvalies di maestri de schi de vigni ann, che plö iadi á baraté corú. Al ne manciará nia la desmostraziun sön le svilup dl jí cun i schi tla storia. Lapró podará le publich odëi esibiziuns spetacolares sön schi, snowboard y telemark da pert dl grup de jogn dl post “Pirates Freestyle Team”, che s’á cun sües acrobazies oramai fat n inom a livel nazional. Sciöche l’ann passé, ne manciaral sambëgn gnanca en chësc ann n spetacul cun trëi giac dala nëi dla sozieté di implanc Gardenacia, olache al gnará mostré le laur y förtl cun chëstes mascins.

Al ghest che vëgn en vacanza d’invern tl’Alta Badia on lapró ti dé na cercia dl isté. I maestri de schi sará porchël da odëi ince te na stafeta cun la roda y ince cun les FAT BIKE, döt sön la nëi. Na morvöia é spo le schiadú plö alt y chël plü bas dl monn y le publich pó se conforté a tröpes d’atres sorpreses, acompagnades da n spetacul de löms y musiga y da n bun gote de vin cöt por düc. Por informaziuns pon ji sön le sit www.skidolomites.it o telefoné al nr. 329 5914008.

valutaziun
Submitting your vote...
stampè