Home
Sorvisc

Presentaziun liber Cassa Raiffeisen Val Badia “1972 – 2012 40 agn do la fujiun”

Ai 13 de novëmber 2015 tal Ćiastel de Tor a San Martin el gnü presentè le liber sön le svilup dla Cassa dai tëmps dla fujiun inant. Plö avisa se tratla de na cronica monüda y spezifica scrita dal autur Dr. Andriolo Renato – diretur da denant dla Cassa Raiffeisen che cunta sö faċ y avenimënć uramai storics che à portè dala fujiun dles singoles Casses tla Cassa Raiffeisen Val Badia da aldedaincö.

En laur pioneristich mo de suzes. I daċ contegnüs mostra sö le gran svilup dal 1972 inant. Nia dagnëra saurì él stè da portè inant le management dla banca. Ince ai tëmps dla fujiun le laur de convincimënt a se mët adüm por unì les forzes nè nia sté sauri. L’unité  y les forzes metüdes adüm è stades la tlé por garantì les bun svilup dla Cassa a bëgn dl’economia dla Val Badia.

L’tëmp passé tla Cassa Raiffeisen dala fujiun dl 1972 al 2012 è aldedaincö en bel record, en esperiënza che an fajess ciamò en iade, à dit le diretur y autur dl liber Dr. Andriolo Renato.

La Cassa Raiffeisen Val Badia cun sü prinzips ispirà da F.W. Raiffeisen:  „chël che le singul n‘è nia bun da fà vara da fà sce an mët adöm la forza de deplü” è plö che mai atuai y model ince por sostegnì l’economia y i debujëgns de sorvisc tla Val Badia y Fodom por le dagnì.

Por aprofondimënć y/o por ciafé na copia dl liber publichè pon contatè vigni portina dla Cassa Raiffeisen Val Badia.

Le liber pó ince gni visualisé ala plata internet www.valbadiaonline.it/Andriolo

 
valutaziun
Submitting your vote...
stampè