Co scrîon pa pordërt chësta parora?

Tröpa jënt che à ligrëza cun le lingaz ladin se damana sciöche an scrî certes parores. Öna o l’atra é poester tlera, d’atres deperpo po ester plü intravaiades. Sce an ne conësc nia la rajun de ćiodiche an mëss scrì na parora te na certa manira y ćiodiche an ne po nia la scrì atramënter s’impùnton gonot y mina de messëi avëi rajun.

Por ti sciampè a chësc problem àn metü man dan da passa n ann de chirì adöm parores che gnô scrites n iade te öna na manira y n iade te n’atra. Chëstes parores é gnüdes confrontades cun la forma che gnô dant tl vocabolar y spo ti él gnü metü pormez la spligaziun ortografica.

I sun oramai rovà a passa 400 parores. I argomënć tratà é n gröm: ai va dal azënt davert o stlüt sön le vocal final ales parores forestes che vëgn tutes ite tl ladin ai consonanć dopli y scëmpli y ii.

Vigni dé vëgnel presentè na parora nöia, insciö che la rubrica é tres frësca y atuala. Sce un o l’ater foss interessè da savëi ćiodiche an scrî na parora te na certa manira pol la menè a chësta misciun: redaziun(at)valbadiaonline.it. Al ciafarà na resposta y dedô gnarà la parora publicada tla rubrica dles parores.

Les parores é da ciafè ->chilò<-