Creaziun: 140 days
N nuof computer per la scòla
L é ste compré grazie ai contribuc de la Raiffeisen de la Val Badia e la lateria da Renac. L computer l é deventé oramèi n strument didatich che ven douré très deplù nte scòla. Nte una de le ultime riunion coi genitori dei tosac che frecuenteia la scòla elementare da La Plié, l eva sauté fòra l debujen de renové le atrezadure informatiche per podei se adegué a le nuove metodologie didattiche che perveiga de douré ence video proiezion, auna al aprofondiment e al recupero individual dei tosac perméz del computer. Sentù chëst debujen, i genitori i s’à dé tòst da fè a cherì i contribuc per compré n computer portatil che vade adincontra a le nuove nezessité de la scòla. L aiut l é rué da la Raiffeisen de la Val Badia, très sensibile ai problemi de la scòla e da la lateria da Renac, che i à de fòra i sciòldi per compré l nuof computer. “Rengrazion de cuor chi che, con generosité à de suo contribut” disc genitori e scolari. “E n Diovelpaie ence ai genitori che i colaboreia de sua pòsta e n modo coscita costrutif a la vita de la scòla.”
Didascalia sot la foto computer_scola Scolari auna a l’ensegnánt Antonella De Toffol e l diretor de la filial de Rèba de la Raiffeisen Benno Canins, col nuof computer.
