Mostrè header
Comunité

GNISSANT

Lëtra pastorala: „Mistere dla fede: Tla mort él la vita“

Stimades sorus y stimá fredesc te nosta Diozeja Balsan – Porsenú!

„I crëii la comuniun di sanc, le pordonn di piciá, la ressoreziun dl corp y la vita eterna“. Chëstes parores fora dl Credo apostolich á ti dis tan sintis y importanc da Gnissant y De dles animes n significat particolar.

Cun chësta lëtra pastorala ves porti dant val’che me stá dër a cör, che me sá dër important y che mirita nosc impëgn deboriada: la cultura cristiana dl sopolí.

Mies conscideraziuns é n invit da ponsé inant : personalmënter, te grups de dlijia, ti Consëis de Ploania, a livel de Unité Pastorala y tles conferënzes decanales. Important él ince da baié cun i sorvisc de sopoltöra.

Sopolí i morc é n’opera de misericordia. La soplotöra de dlijia é n sorvisc dla dlijia ai defunc y a sü familiars. La liturgia interpretëia la mort sciöche n passaje, sciöche „dies natalis“, sciöche le „de de nasciüda ala vita eterna“.

La plüra umana por avëi pordü na porsona amada y la crëta che nüsc defunc é al sigü tl amur de Chël Bel Dî ne é nia na contradiziun. Le ritus de sopoltöra é n evënt de consolaziun por düc chi che tol comié adöm ai familiars.

Pro la cultura dl tó comié toca les ultimes parores, l’ultimo baje, vistí sö le defunt o la defunta, aziché cun amur so corp o ti fá na aicia, sté lapró, stlüje le scrin, partí la plüra cui atri, tó comié dan le scrin, odëi la fossa daverta, lascé jö  le scrin te tera. Por le prozes de plüra pó ester chëstes esperiënzes d’aiüt. Plüra adora lerch, proteziun y tëmp.

Fora de chësta convinziun nascel n valgügn punc d’odüda che i pó ves indiché:

Les cortines é por nos cristianes y cristians sciöche posć publics por sopolí importantes y sacrales. Al é posć por recordé, posć de plüra, de reconziliaziun, de comemoraziun y de oraziun. Sön les fosses y sön i posć por les urnes dessel porchël dagnora ester i inoms di defunc y n sëgn o n simbol cristian, por ejëmpl na crusc.

Ciaré dles fosses, la vijita te cortina, impié ciandëres, la oraziun personala y comunitara por nüsc defunc, recordé l’aniversar dla mort y la zelebraziun dla santa mëssa por nüsc defunc dá espresciun a nosc raport de fede cun le mistere dla mort y cun chës porsones che é bele passades a miú vita.

La cultura cristiana dl sopolí vir dla convinziun che Chël Bel Dî á „chërdé vigni porsona“(Isaia 43,1) por inom; chisc inoms „stá tl liber dla vita“ (Fil 4,3). L’inom toca pro la identité de na porsona, cun l’inom vëgnera cherdada, identificada y desfarenziada dai atri. L’inom é ince espresciun dla singolarité y dla originalité che Chël Bel Dî ti atribuësc a vigni porsona.

Porchël sunse nos dla convinziun che sopoltöres anonimes zënza partezipaziun di familiars y zënza poscibilité por amisc y conoscënc da podëi tó pert á püch significat.

 

La sopoltöra tl „certl strënt di familiars“ o la sopoltöra „tl chît“ desmëntia che vigni porsona á vit te n ambiënt sozial cun porsones che á ince n certo dërt da tó comié. Chësc comié pó ince ester n at de reconziliaziun. La sopoltöra  te dlijia é de carater publich, incünda la speranza tla vita eterna y vëiga l’oraziun por i defunc sciöche ultimo sorvisc d’amur da pert dla comunité cristiana.

Inforní sö le defunt dan la sopoltöra y odlé é na pert importanta de na cultura cristiana dl sopolí y mirita dantadöt aldedaincö n’atenziun particolara. Chësc dëida da tó comié cun dignité y da vire cun plü intensité i dis de comié. Le tëmp inanter la mort y la sopoltöra scinca la poscibilité por recordé, por sëgns d’amur y de reconziliaziun, por l’oraziun. An ne dess nia avëi l’impresciun o la mentalité che le corp vëgn ma desmandré. Le corp mort á süa dignité, deache al stá diretamënter y simbolicamënter por la porsona defunta.

Rové adöm por perié deboriada por i defunc á n significat religius, mo ince n significat sozial.

Cun stima y reconoscënza pënsi a dötes y a düc chi che se crüzia te nostes comunités de ploania por che les sopoltöres vëgnes tignides cun dignité: Proi, diacons, tl dagní ince conduturies y cunduturs de sopoltöres, leturies y leturs, ëres y ëi che prëia dant, monies y moni, ministrantes y ministranc, cors, organistes y organisć, cianturies y cianturs.

Sopoltöres é n sorvisc pastoral y sozial important che arjunj tres ciamó tröpes porsones y les porta en relaziun ala speranza cristiana tla ressoreziun.

La funziun dess gní zelebrada insciö che ara fejes sintí: i ne festejun nia nüsc defunc, mo la mort y la ressoreziun de Gejú Crist -  sciöche oraziun por i defunc y sciöche speranza tla ressoreziun por nos che i sun ciamó sön tru cuntra le gran travert. Tl medemo momënt pó ince ciafé espresciun le dilan por ci che Chël Bel Dî é sté bun da fá cun na porsona. Cianties, tesć y sëgns dess gní chiris fora cun atenziun y prudënza y ai dess corespogne al spirit dla zelebraziun liturgica.

Punt culminant y elemënt zentral dla liturgia por i defunc é la zelebraziun dl’Eucaristia. Te vigni zelebraziun dl’Eucaristia professëia cristianes y cristians: Tla mort él la vita! Te chësta zelebraziun de fede se sënt la comunité cristiana unida cun i defunc pro la mësa dl Signur, la mësa dla Parora y dl Pan. Ince sce tl dagni ne podaral nia plü gní zelebré la Santa Mëssa pro vigni sopoltöra, dessel gní do la zelebraziun dla parora le de dla sopoltöra, perié por i defunc pro na Santa Mëssa – ince pro la mëssa dla comunité la domënia. Lapró sunse  dla convinziun che i periun dagnëra por i defunc y cun i defunc. La nominaziun “mëssa de ressoreziun” por la mëssa de sopoltöra pó  ester malintenüda y porchël nia adatada.

Pro la sopoltöra cristiana alda ince la deponüda dl scrin jö te tera. Chësc ritus ti dá ala sopoltöra l’inom. Al é dër sciode che chësc ritus da lascé jö le scrin tla  fossa y che  é dër simbolich, ne vëgn feter mai plü pratiché. Lascé jö le scrin toca tlermënter pro l’ultimo toch de tru che an va cun na porsona. Nos ti surandun le corp ala tera y jun insciö para le tru cina inultima. La separaziun definitiva, che chësc at desmostra tler, y le dolur che vëgn adinfora alda ince pro le superé la plüra.   Deache te tröpes cortines ne vëgn chësc nia plü fat, prëii esplizitamënter da ponsé do co che al pó indo ti gní dé importanza a chësc at de sopltöra tan significatif. 

Da impröma inca á la dlijia tut la dezijiun, do l’ejëmpl dla bibia, da sopolí le corp. Dlungia le respet por le corp uman, che é tëmpl dl Spirit Sant (1 Cor 3,16; 6,19) él l’ejëmpl de Gejú metü te fossa y l’imaja dl granel de formënt che á albü süa importanza: Le corp zënza vita vëgn metü te tera sciöche n granel de formënt, olache al vëgn trasformé y ressorí a vita nöia. Sopolí le corp te tera desmostra chësc tler. Porchël preferësc y aconsiëia inant la dlijia catolica chësta forma. 

La cremaziun é conzedüda, a condiziun che valgügn ne chires nia fora chësta forma por gaujes che mët en dübe la fede tla ressoreziun y tla vita eterna. Olache la cremaziun é orüda, él i tesć dla liturgia che fej riferimënt a d’ëra. Fá la prozesciun te cortina zënza sopolí le defunt ne n’á nia sëns. Do la zelebraziun y le tó comié dal defunt o dla defunta te o dan dlijia (capela) vëgn la salma condüta tl crematore por gní borjada. La urna vëgn spo sopolida, te n cërtl strënt, tl post preodü. Desperde anonimamënter le cëinder de na porsona morta ne corespogn nia ala cultura cristiana dl sopolí.

Sciöche i fajun cun la mort y cun nüsc defunc dij fora dër tröp sura nosta manira da odëi la vita. La cultura cristiana dl sopolí é espresciun dla fede cristiana de Pasca te nosc Dî, che é n Dî di vis y nia di morc y che nes á mostré te so fi Gejú Crist, che la mort ne n’á nia l’ultima parora.

Inultima ves prëii spo ciamó: Ne lasciun nia porsones sön punt de mort da sores! Ares adora valgügn che ti stá dlungia y che les acompagna. Mo ince i familiars che mëss azeté da perde na porsona, o che é tocá da n colp dl destin, adora valgügn che ti stá dlungia.

De cör sunse lié a os dötes y düc tla gran comunité di sanc y tla crëta te Gejú Crist mort sön la crusc y ressorí: „Deache Ël é la salvëza dl monn, la vita dles porsones, la ressoreziun di morc“ (Prefaziun dla mëssa por defunc).

Osc vësco

Ivo Muser                                              

 

Festa da Gnissant, 1 november 2019

Chësta lëtra pastorala pó gní lita dant en Gnissant, en le De dles animes o n’atra domënia de novëmber pro les zelebraziuns de dlijia.

I ves inviëii dër da baié de ci che me stá a cör te chësta lëtra y da le aprofondí  ti gremi de nostes ploanies, dles unites pastorales y tles conferënzes decanales.

Übersetzung: Annamaria Fiung

Informaziuns sura l'Unité Pastorala Val Badia

UNITÉ PASTORALA VAL BADIA

SEELSORGEEINHEIT  VAL BADIA
UNITÀ PASTORALE   VAL BADIA

Degan: Siur Iaco Wendelin Willeit

adressa:

Via S. Linert
I-39036 Badia

Tel. Calonia: 0471 839571
Tel. Siur Iaco Wendelin Willeit: 347 9094532

e-mail: parrocchiabadia(at)libero.it

Mit einer "Zurechtweisung" hatten konservative Katholiken den Papst kritisiert. Jetzt reagieren Bischöfe, Theologen und andere prominente Katholiken - und verteidigen Franziskus in einem offenen Brief.

Kirche | Wien/Prag - 17.10.2017

Eine neue internationale Initiative will Papst Franziskus gegen Attacken von katholischen Kritikern verteidigen. Die Gruppe "Pro Pope Francis", in der Katholiken aus Kirche und öffentlichem Leben vertreten sind, wendet sich in einem online zugänglichen Schreiben direkt an den Papst. "Mit diesem öffentlichen Brief bringen wir zum Ausdruck, dass wir für Ihre mutige und theologisch wohl begründete Amtsführung dankbar sind", heißt es auf der Website "www.pro-pope-francis.com".

Die "Pastoralkultur" von Franziskus stehe für einen Umgang mit den Menschen, bei dem nicht das Gesetz, sondern das Erbarmen das letzte Wort haben solle, heißt es auf der Internetseite weiter. Und: "Sie träumen von einer 'Kirche als Mutter und Hirtin'. Diesen Ihren Traum teilen wir."  Neben den Initiatoren, den Theologen Paul Zulehner (Wien) und Tomas Halik (Prag), sind derzeit (Stand Dienstagmittag) über 100 Unterzeichner des offenen Briefes einsehbar. Dazu zählen etwa die österreichischen Altbischöfe Paul Iby (Eisenstadt) und Helmut Krätzl (Wien), der Erzabt von Pannonhalma (Ungarn), Asztrik Varszegi, der Prager Weihbischof Vaclav Maly und der Altbischof von North-Aliwal (Südafrika). Aus Deutschland haben unter anderem der Berliner Sozialethiker Andreas Lob-Hüdepohl, der Jesuit und Chefredakteur der "Stimmen der Zeit", Andreas Batlogg, aber auch der ehemalige Bundestagspräsident Wolfgang Thierse unterzeichnet. Hinzu kommen bereits rund 1.000 "Unterstützer", die sich online an der Kampagne beteiligt haben.

Antwort auf die "kindliche Zurechtweisung" des Papstes

In dem Schreiben bitten Sie den Papst, nicht von seinem Weg abzuweichen, und sichern ihm Unterstützung zu. Franziskus sei es in kurzer Zeit gelungen, die Pastoralkultur der katholischen Kirche zu reformieren. Die "verwundeten" Menschen, aber auch die verwundete Natur gingen ihm zu Herzen. "Sie sehen die Kirche an den Rändern des Lebens als Feldlazarett", heißt es.

Hintergrund der Initiative ist eine Ende September veröffentlichte "kindliche Zurechtweisung" konservativer Kleriker und Theologen, die den Papst auffordern, sich von "Irrlehren" zu distanzieren. Die Unterzeichner vertreten die Ansicht, dass Franziskus "auf direkte oder indirekte Weise" häretische Standpunkte zu Ehe, Moral und Sakramentenlehre gefördert habe. Unter ihnen sind der deutsche Schriftsteller Martin Mosebach, der ehemalige Chef der Vatikanbank IOR, Ettore Gotti Tedeschi, der Ex-Vorsitzende des nationalen Forschungsrates in Italien CNR, Roberto de Mattei, sowie der Philosoph und Priester Antonio Livi, ehemals Dekan an der Lateran-Universität. Zu den Unterzeichnern gehört auch der Generalobere der traditionalistischen Priesterbruderschaft, Bernard Fellay. (bod/KNA)

Der offene Brief

Hochgeschätzter Papst Franziskus!

Ihre Pastoralen Initiativen und deren theologische Begründung werden derzeit von einer Gruppe in der Kirche scharf attackiert. Mit diesem öffentlichen Brief bringen wir zum Ausdruck, dass wir für ihre mutige und theologisch wohl begründete Amtsführung dankbar sind.

Es ist Ihnen in kurzer Zeit gelungen, die Pastoralkultur der katholischen Kirche von ihrem jesuanischen Ursprung her zu reformieren. Die verwundeten Menschen, die verwundete Natur gehen Ihnen zu Herzen. Sie sehen die Kirche an den Rändern des Lebens, als Feldlazarett. Ihr Anliegen ist jeder einzelne von Gott geliebte Mensch. Das letzte Wort im Umgang mit den Menschen soll nicht ein legalistisch, sondern ein barmherzig interpretiertes Gesetz haben. Gott und seine Barmherzigkeit prägen die Pastoralkultur, die Sie der Kirche zumuten. Sie träumen von einer "Kirche als Mutter und Hirtin". Diesen Ihren Traum teilen wir.

Wir bitten Sie, von diesem eingeschlagenen Weg nicht abzuweichen und sichern Ihnen unsere volle Unterstützung und unser stetes Gebet zu.

Die Unterzeichner

Wer den Papst unterstützen möchte

Wer den offenen Brief an Papst Franziskus selbst unterschreiben möchte, kann das unter folgendem Link tun. 

  Hier können Sie unterschreiben

Oraziun por I'Unite Pastorala:

Signur, nosc Bun Famëi,

a Te afidunse nostes comunltês crlstianes

sön chësc tru deborlada.

Dasse coraje da te gnl dô y da testimonié

nosta fede ince tla vlta d'al dedaincö.

Chërda tröc y de bugn colaboradus a to servlsc

y lasci sintì Tüa presënza.

Maria, nosta uma, ciara de nos.

S. Ojöp da Oies prëia por nos. Amen.

Degan dla Unité pastorala Val Badia

Dal 04.09.2011 éle Siur Iaco Willeit degan dl decanat dla Val Badia y implü éle pluan dles  Ploanies de Badia, La Ila

Siur Franz Sottara é jü cun 75 agn en ponsiun y a dè jö süa inciaria offiziala de ploan y degan. Siur Franz Sottara s'à metü a desposiziun por laurè inant y a surantut l'impëgn sciöche curadù d'animes a La Val.

SS. MESSES y PROZESCIUNS

valutaziun
Submitting your vote...
stampè