Mostrè header
Comunité

Ploan: Siur Klaus Sottsas

Calonia Al Plan

Tel. Calonia: 0474 501006
Tel. Siur Klaus: 344 1554055

e-mail: ploaniaalplan(at)gmail.com
e-mail: klsottsas(at)rolmail.net

Numer C/C Bancar: Cassa Raiffeisen Val Badia - San Martin de Tor
IBAN: IT 19 L 08010 58830 000304004825

Ultima Plata de Ploania

Iubileum de 50 agn da prou de Siur Paul

3 de iuli 2022 - Antermëia

Por n paisc ne él nia festa plü bela
co podëi zelebré na mëssa noela.
Insciö se â abiné propi inier dan da 50 agn
tröc sö La Val, de pici y de gragn

por ti fá festa al primiziant da Tolpëi,
la ligrëza ê grana, nia da crëi,
Siur Paul ê da püch gnü consacré
y prou por dagnora orôl resté.

“Tu es sacerdos in aeternum”,
döta la vita sorví so “dominum”,
ê le “motto” che al se â tut dant
y fina incö mantigní döt cant.

Incö, do che mez seco é passé
se abina döta Antermëia a congratulé
por aprijé y dí de cör dilan
por i 29 agn passá chiló sciöche ploan.

Denant che gní da nos tla Val Badia,
sëise sté n pez da Pursenú ia,
spo a Tisens, a Selva y Urtijëi ia n Gherdëna,
n prou vá olache le Vësco le mëna.

Siur Paul, cun savëi ëise acompagné
le destin spiritual y religius de nosta comunité,
nes ëis condüt fora por les festes ia por l’ann
y ci ch’i ëis somené ne é nia sté debann.

Dër ligrëza âse col bel soné y cianté,
por che les mësses podess plü sintides garaté;
importanza ti dês a nosta partezipaziun
deache Chël Bel Dî ó aldí la usc de vignun.

Mené na cöra n’è aldedaincö daldöt nia saurì,
les minunghes vá indalater, gnanca da dì,
la jënt ne crëi nia plü ma por tradiziun,
y al ó ester tröp por tignì via la convinziun.

Nia ma ala comunité dess n ploan se dediché,
inće la singola porsona mëssel acompagné
fora por la vita te chi bi momënć
che ara ciafa, tres le prou, i sacramënć.

Insciö, te düć chisc agn, siur Ploan,
ëis batié cotan de viadus cun Osta man,
ai é gnüs tuc ite tla comunité cristiana
che devënta dé por dé plü grana.

A tröc mituns y mitans ti ëise dé la pröma Comuniun,
n sacramënt important tla vita de vignun,
la Confermaziun spo fej la fede plü frëma
por jì inant tla vita renforzà y nia cun tëma.

Y spo, tröpes copies, con gran onur
ëis podü acompagné al sacramënt de gran valur;
cun le matrimone ares fat so lian plü sterch
ti lascian te süa vita ince a Idî na lerch.

Por vigni porsona vëgnel dla vita l’altonn
y ara prëia Chël Bel Dî do le pordonn,
les forzes vëgn manco, le corp s’indeblësc
y le sacramënt dl Öre Sant porta speranza prësc.

Stimé siür Paul, te düc chisc agn
söl ultim iade dla vita ne ëise acompagné cotagn.
Te cortina ala tera benedida i ëis surandé,
y ala bonté de Dî süa anima ëis racomané.

N ploan ne á nia n orar de laur dé dant,
al pó gní cherdé y adoré vigni momënt,
dis intiers da s’un jí demez é cumpedá,
programs danfora ne vára nia cis da fá.

Mo val’ora de tëmp lëde saltel fora,
cis sce an é in ponsiun dal laur te scora,
magari por na bela cartada in compagnia
te un o tl ater paisc dla Val Badia.

Mo Osta majera pasciun é plü al alt,
n post ascognü dal vënt y bun cialt,
al vëgn dit, n post sciöche le paraisc,
n post che ne á sambëgn nia prisc.

An röia gonot ma sö cun n 4 por 4,
la panda ne vá nia tan saurí indalater,
ince sce le tru é da nëi o dlacé
y da jí sura jö podesson manacé.

Siur Paul, sön Rit sëise dagnora ruvé san intun,
y le tëmp passé ailó Ves á fat bun,
na bela compagnia é la miú medejina
por fá l’anima cuntënta y ligherzina.

Y sëgn orunse fá festa inant
y se gode chësc bel momënt,
i nes metun tles mans de nosc Signur
a chël che al ti vá incö le plü gran onur.
A Chël Bel Dî n gran dilan
por 50 agn da prou de nosc ploan.

                        Romi Crazzolara

FOTO Iubileum de 50 agn da prou de Siur Paul

 
 
 

a Loise

Dilan y reconoscenza
por mez secul
de sorvisc da mone
tla ploania de Antermeia

Bëgngnü Siur Klaus

S. Mësses tla Val Badia

LE TRU NÖ DLA CREJIMA

    SANTUAR DE LA CRUSC - Prozesciuns tratan l' iste 2022

    MANIFESTAZIUNS OIES

      Plates de Ploania

      valutaziun
      Submitting your vote...
      stampè