Home
Noeles

Le Rait de San Linert dles valades ladines festejëia so 20ejim aniversar

En domënia ai 4 de novëmber vëgnel tigní la 20ejima ediziun dl Rait de San Linert dles valades ladines cun plö de 130 ciavai. La festa mët man cun la santa mëssa dales 09:00 tla dlijia de Badia en onur de San Linert. Dales 10:45 podaran odëi la defilada da Pedraces cina a San Linert, a chëla che al tolará pert ciavai haflinger y norics dles valades ladines y da deplö perts de Südtirol. Sön un di ciars podaran amiré la statua de San Linert, patron dl paisc y protetur di ciavai y por le prüm iade ince n model en miniatöra dla dlijia de Badia, fat dai artejans dl post. Al rait tolarale ince pert i davagnadus de sis raic “Oswald von Wolkenstein”, l’team Haflinger dl OVW Ritt, le campiun talian y europeich de gares cun ciavai y gücia Hannes Weitlaner, la ungarische Post cun ciavai Noriker , Norbert Rier, sciöche ince n ciar dla Forst. Dl intrategnimënt musical sides tratan la defilada che ia por le de da festa se crüzia la müjiga de Badia, da Pichl Gsies y da Vich sciöche ince le Bal Popular Val Badia. Sambëgn ne manciará nia le cor de dljia, i ministranc, la jënt cun i guanc da zacan, le degan Iaco Willeit y l’ombolt Iaco Frenademetz a ciaval.  Le Rait de San Linert é dandadüt ocajiun por perié do la benedisciun di tiers y sü patruns. Dedô sarale i ciavai dla raitadoia Teresa che fej n show acompagná dai sonns dla müjiga de Badia te ciamp dal sport y implö an la poscibilité da se cumpré val’ produt local, venü dales patrones y da chëles dala troht.  La festa jará inant sides tla ciasa dles uniuns a Badia che tla tënda, olache al vëgn de fora spezialites gastronomiches dales uniuns di paurs, dai stödafüch y dala müjiga de Badia. Domisdé sarale la Böhmische de Badia y da sëra le grup « Tiroler Burschn » che sona y al gnará ince dé fora ciastagnes. La manifetaziun vëgn tignida ince en cajo de burt tëmp.

Por le sostëgn finanziar dla manifestaziun vëgnel ringrazié le Comun de Badia, l’Assoziaziun Turistica de Badia, la Cassa Raiffeisen Val Badia, la dita Forst, la uniun di ciavai halfinger y norics de Südtirol y düc i atri sponsor.

valutaziun
Submitting your vote...
stampè