Home
Noeles

Serada pur i nüs sozi dla Cassa Raiffeisen Val Badia

En vëndres ai 23 de novëmber 2018 se á incunté i nüs mëmbri dla Cassa Raiffeisen Val Badia a San Martin de Tor cun le Presidënt Georg Mutschlechner y le Diretur Hubert Obwegs.

Indöt él gnü tut sö tratan chësc ann bëgn 154 sozi nüs, mai n‘ él ciamó gnü tut sö te n ann tan de sozi. I sozi é partis sö te : 4 sozietes, 65 ëres y 85 ëi. Ince chësc ann pon constaté la tendënza dl aumënt dl numer de sozi ëres y l’eté di sozi che se arbassëia tres de plü. Chësc ann á le sozio plü jon l’eté de 18 agn y le plü vedl de 76 agn, rovan insciö a na eté mesana di sozi tuc sö tl 2018 de 39 agn.  La serada pur i nüs sozi é stada na ocajiun por se conësce damí y por prejenté la Cassa Raiffeisen.  La serada á metü man cun en pice film sura le fondadú dla Cassa Raiffeisen F. W. Raiffeisen che chësc ann á complí i 200 agn. Le Presidënt é spo jü ite en cört sön la storia dla Cassa Raiffeisen tal Val Badia, dala daurida dla pröma Cassa Raiffeisen a Rina ala fujiun. Spo ti ál passé la parora al Diretur che á  porté dant  n per de dac dla Cassa  aldedaincö che reverda i credic, le patrimone, i deponimënc, les assiguraziuns, le statut dla Cassa, i organs dla cooperativa, yii …Denant co partí fora le documënt de comembranza á ciamó tut la parora le Presidënt poran dant val dac sura i mëmbri y recordan i dërc y i dovëis di mëmbri.  Al á spo stüt jö baian di vantaji di mëmbri, suradöt pur ci che reverda la poliza sanitara studiada aposta pur i mëmbri.  Le Presidënt ti á spo surandé a düc i mëmbri nüs le dodumënt de comembranza  fajon presënt che i sozi é pur la Banca i cliënc plü importanc  y che sciöche encö cumpeda la Cassa Raiffeisen Val Badia bëgn 2.394 mëmbri.

La serada se á spo stlüt jö cun en pice bufet.

valutaziun
Submitting your vote...
stampè