Home
Noeles

Atmosfera da Nadé ti paisc da Corvara y San Ciascian

Fora por l’Advënt y tratan les festes da Nadé gnarale ince en chëst invern metü a jí le pice marcé da Nadé sön plaza de Comun a Corvara y le Paisc da Nadé tl zënter dl paisc da San Ciascian. Trami i marciá da Nadé metará man ai 6 de dezëmber y al gnara pité dales 16:00 ales 19:00 produc locai, articui de artejanat, decoraziuns da Nadé mo ince spezialites gastronomiches tradizionales. N program rich de ativites y manifestaziuns musicales cun grups dl post ti fajará da cornisc ai marciá, abelis da lüms y decoraziuns tradizionales. Pro le marcé da Corvara, che de dezëmber á davert dai 6 ai 9, dai 14 ai 16 y spo dai 22 ai 6 de jená, sarale i mituns che á la poscibilité da amiré y se fá n bel retrat cun i düli y te n valgünes ocajiuns podará i mituns ince fá n pice rait cun i pony.  A San Ciascian, olache le Paisc da Nadé é davert vigni de dai 6 de dezëmber ai 6 de jená, podaran indere fá na picera roda cun i alpaca y i lama la sabeda y la domënia, adinfora di 29 y 30 de dezëmber, y al sará ince val’sëra olache al sará da odëi le famëi cun sües ciores. Le program cun dütes les informaziuns ciafen ti ufizi informaziuns dl’Alta Badia.

valutaziun
Submitting your vote...
stampè