Home
Noeles

La magia dl Nadé te plaza a Calfosch

La dlijia de S. Vighile fajará da cornisc ala secunda ediziun dla manifestaziun “La magia dl Nadé”, che vëgn metüda a jí sön plaza de paisc a Calfosch. Le prüm apuntamënt gnará tigní ai 6 de dezëmber y ciamó n iade ai 27 de dezëmber y ai 4 de jená. Al gnará dé fora sön plaza de vigni sort de duciaries sciöche ince n bun te cialt o n got de vin cöt. En ocajiun dl prüm apuntamënt sarale le cuartet de posaunes “Resonn” che abelësc le domisdé y dales 17:00 sarale San Micurá che vëgn a ti purté na picera scincunda ai pici mituns. Ai 27 de dezëmber podaran aldí le sonn dla pia soné dal duo “Vic & Paolo” sciöche ince les melodies dl duo “Malù y le cor Mosaic se cruziará dl intrategnimënt musical ai 4 de jená. La manifestaziun metará man vigni iade dales 16:30 y ala jará inant cina les 18:30. Al se trata de na bona ocajiun por passé adüm n domisdé te n’atmosfera tradizionala dl tëmp da Nadé.

valutaziun
Submitting your vote...
stampè