Home
Noeles

Roda dles saus

Ince en chësc invern vëgnel metü a jí n’edema dedicada ales spezialites y ala cultura ladina tl raiun da jí cun i schi da La Crusc a Badia. Dala domënia ai 17 de merz cina ala domënia ai 24 de merz pon ciarcé vigni de dl’edema pro n valgünes üties na spezialité ladina particolara. Implö vëgnel tigní deplö apuntamënc ia por l’edema olache al vëgn presenté la spezialité de chëla ütia dales 11 :00 inant: ai 17 pro la ütia Lée podaran ciarcé i gnoch de farina de poia cun ragú de cerf y selari, ai 19 pro la ütia L’Tamá a Badia vëgnel cujiné i crafuns mori, ai 21 pro la ütia La Crusc dlungia la dlijia da La Crusc podaran mangé polënta y golasc de rehl, pro la ütia Paraciora a Sompunt pon ciarcé ai 22 de merz i « spätzle » cun farina de poia, ciajó de munt y cioce y ai 23 de merz pro la ütia Nagler vëgnel arjigné cajincí arestis. Pro vigni tai vëgnel pite n got de vin de Südtirol lapró. Le de dla presentaziun dl tai sarale pro chëla ütia ince müjiga dal vi.  

valutaziun
Submitting your vote...
stampè