Home
Noeles

XXVI. gara dl paisc San Ciascian

 

L’Uniun dl sport San Ciascian y la Scola de Schi, á indô metü a ji la tradizionala gara di schi ruvada ala XXVI. ediziun. Le start fô preodü dales 10:00 sön la Pista Ciampëi al Piz Surega. Dô la gran novüda, cun 70 cm sö al alt y uramai mez meter de nëi frëscha tumada i dis denant te paisc, fô le paesaje plö co mai invernal. Düt chësc á ciamó motivé i gran sportifs apascioná di schi a se musuré al chronometer pró la gara dl paisc.

I 60 concurënc al start urô sambëgn düc fá en bun plazamënt por arjunje le scalin plö al alt sön le podio y insciö se porté a ciasa na bela copa. Sce la desfarënzia tra le concorënt plö jonn y manco jonn fô de passa 72 agn, l’important y le spirit dla gara dl paisc resta l’ocajiun por ruvé adüm düc canc y passé insciö en bel dé sön i schi y in cumpagnia.

Le plö asvelt a fá archité le chronometer sön 31,73” è sté le maester di schi Pezzedi Ivo. Pró la categoria femminile, la plö asvelta è stada Manco Catharina cun 33,26”. Tla categoria mitans/mituns dla scolina á vadagné la copa Clement Noemi cun en 51,50” y Arcieri Samuel cun 56,84”. Pezzedi Emma cun en tëmp de 35,35” á vadagné tla categoria cuinta elementara. Tla categoria di mituns dla cuinta elementara á vadagné Ploner Giacomo cun en tëmp de 34,60”. Tla categoria “jogn” á vadangé Pezzedi Jacopo cun en tëmp de 32,32 se classifican dan Pescollderungg Janpaul, secundo cul tëmp de 33,76. Dalpiano Daniela tla categoria “ëles” se á portè a ciasa la copa vadagnan te süa categoria cun en tëmp de 35,14”. Manco Augusto é sté le plö asvelt tla categoria “ëi” architan le chronometer sön 37,31”.

Uramai bel tradiziun è ince la surandada dl trofé familia pró la gara dl paisc. Tl ediziun 2019 le prüm post è sté fat dala familia de Pezzedi Ivo y Pizzinini Gabi che cun i tëmps de gara cumpedá adüm de Emma, Ivo y Jacopo de 1.39,37” á insciö vadagné le trofeo familia 2019 – prüm post. Le secundo post torfeo familia è jü ala familia de Manco Augusto Augusto e Wieser Sabine cun i tëmps de Catharina, Alexander y Anton, indüt 1.44,69”. Le terzo post “trofeo familia” cun 1.48,05” è jü ala familia de Pescollderungg Thomas y Miribung Monika cun i tëmps de Janpaul, Iaco y Thomas.

En sintí giulan a düc por l’organisaziun, in particolar ala scola de schi, ala ütia Las Vegas, ala Melix y ala Cassa Raiffeisen por les copes.

Uniun Sport Amatoriala San Ciascian

 

 

 

valutaziun
Submitting your vote...
stampè