Home
Noeles
(C) Freddy Planinschek

DOLOMITES BIKE DAY

En domënia ai 16 de jügn vëgnel metü a jí la terza ediziun dl Dolomites Bike Day

I jus de Ciaulunch, Falzares y Valparola sará i protagonisć dla terza ediziun dl Dolomites Bike Day, en program la domënia ai 16 de jügn. Le percurs dl Dolomites Bike Day a forma de anel pëia ia dal’Alta Badia sura Ciaulunch cina a Reba y pasa fora por i paisc de La Pli de Fodom y Cernadoi. Da chiló van spo sön le ju de Falzares y Valparola por rové zeruch ti paisc da La Ila y Corvara y stlü jö insciö la roda. Pié ia pon sambëgn ince dai paisc de Reba o La Pli y lascé le ju de Ciaulunch sciöche ultim. Le percurs á na lunghëza totala de 51km cun n dislivel de 1.290m. Dales 09:00 ales 15:00 gnarale en chësc de stlüt les strades al trafich motorisé, insciö da ti lascé lerch ales rodes y ti pité plö segurëza fora por düt le percurs. Al vëgn aconsié da fá la roda en direziun antioraria. Düc i amanc dla roda, sides de chëla da strada che ince mountain bike, é dër bel inviá a tó pert ala manifestaziun, a chëla che an ne á nia bria da se scrí ite.

 

STLÜTA DLES STRADES

Al vëgn informé che en ocajiun dla manifestaziun gnaralé saré les strades por le trafich motorsié sön le percurs dl Dolomites Bike Day dales 09:00 ales 15:00: da Corvara, incrujada Col Alt (SS244) cina sön Ciaulunch – Reba (SP244) – La Pli de Fodom (SS48) – Ju de Falzares– Ju de Valparola (SP24)– San Ciascian (SP37) – La Ila (SS244) - Corvara

 

Deplö informaziuns ciafen ala plata internet: www.dolomitesbikeday.it

 

 

 

 

valutaziun
Submitting your vote...
tëmp:
stampè