Home
Noeles

Nos dales bales

Le zënter dl paisc da San Linert a Badia á te chisc ultims agn fat da cornisc a deplö manifestaziuns gastronomiches, che á albü n gran suzess. En chësc ann vëgnel pité bëgn dües sëres a tema y la prüma ti vëgn dedicada ales bales. La jöbia ai 11 de messé podaran ciarcé de vigni sort de bales, da chëles sarades ales duces, fora por la via prinzipala da San Linert, stlüta al trafich dales 19:00 inant. Ünesc é i eserzizi dl post che fej para y vignun pita n’atra sort de bala. La sëra gnará abelida dales melodies dl grup Licaones. Por tó pert ala manifestaziun ne ole ester degüna prenotaziun y an pó cumpré i bonns dales bales sides i dis denant ti ufizi turistics dl’Alta Badia, sides en chëla sëra diretamënter tl zënter de San Linert. La manifestaziun é stada reconesciüda en chësc ann “Going to green event”, n evënt tratan chël che an ciara da ti dé ince na gran importanza ala sostenibilité y al’ecologia. En cajo de burt tëmp vëgn la manifestaziun spostada al de do, vëindres ai 12 de messé.

valutaziun
Submitting your vote...
stampè