Home
Noeles

Notizies dal Aiut Alpin Dolomites

La sajion da instà de socors de la scuadra dl Aiut Alpin Dolomites va inant cun plu ntervënc al dì. Bel abenëura ie i socoriteures anjeniei a Pontives per i ntervënc cun l joler. Nsci iel suzedù nstadì che n à cherdà aiut a Glurns per n l de 82 ani che ti ova striscià l bòt. Sun l post fova ënghe i socoriteures dla Crëusc Blancia che à judà tl ntervënt. L ël an julà te spedel plu daujin che ie chël de Schlanders.

Mo dan la 8 daduman fovel da julé a St. Gertraud per n el de 61 ani che ova problemesc al bater dl cuer. El ova da permò abù na uperazion alcuer y messova nsci unì julà de prëscia tl spedel y plu avisa tla emodinamica ulache i dutores fova bel anjeniei y l cunesciova bel.

Riesc dò chësc ntervënt fovel da julé a Ciastel. Ënghe tlo se tratovel de n ëila dl post che ova problemesc de zirculazion dl sanch. Y zënzapaussa per la scuadra fovel da julé a Urtijëi per n ëila che ova tëut ite massa medejines y messova rué de prëscia te n spedel ulache i dutores se àcruzià dl cajo.

N fova sentei pra marënda che do la prima furchëta univa bel inò damandà l ntervënt de l joler cun l dutor. Chëst iede fovel da julé sun Secëda ulache n jëun de 16 ani de Legnano se ova fat dassënn mel tuman cun la roda da mont. Ël ova n gran mel y l dutor ti à riesc dat velch dan l ciariësun na barela y l purté tl joler che ova dat sëura nia dalonc. A Persenon ti à do chël i dutores te spedel dat assistënza.

N ntervënt particuler fova per 2 turisc tudësch de 87 ani; ëi se ova perdù sun n troi per jì te Cunfìn. I ulova ruvé sun la streda de Jënder ma l nesavova nia plu ulache l fossa da jì inant. N jëun che passova iló cun la roda ti ie ruà permez y i turisć ti ova riesc cuntà si storia. Ëi fova bel ilóda l dì dant y ova passa la nuet sota l stëiles. Un de i doi fova disidratà y ne fova nia plu bon de jì y de rujenè. Pervia che ei fova te n post ulachen ruvova nia permez cun n jeep de socors an cherdà l joler. Nsci i an ciariei tachei te la binda y julei te spedel de Persenon. L ël a chël che la tijiva nia massa bona an dant curà sun l post y metù sun na barela.

L ie ënghe stat n ntervënt per n jëun cun l parapënd. El fova muet da Maran 2000 ma do puec metri se à stlut l parapënd y l ie nsci tumà ju. Ël seova fat mel al fil dl spinel y n messova l ciarië cun cautela.

Drët mel se à ënghe fat n ëila de 66 ani de Neumarkt che fova rueda sota na roda de n camion. L pe fova dut schicià y la ova n gran mel.

Sun l troi dla utia Vandelli de viers de Cortina fovel da jì a tò n ëila de 77 ani che fova sbrisceda ora se rumpian na giama y sun l dlacier dlSasslonch, tla cunesciuda Eisrinne fova n ëila tudëscia de 55 ani che se ova rot n brac. Chësta an julà te spedel de Persenon.

valutaziun
Submitting your vote...
stampè