Home
Noeles

Musiga te paisc: do le tradizional conzert d'aisciöda va la Müjiga de Badia fora por Pedraces a sonè

De ma à la musiga podü prejenté n conzert scëmpl mo plajore caraterisé da toc cun solisc. Da na polka a na Overtüre y ala musiga unghereja por rové zoruch tla Ladinia. Talënc ascognüs te nosta uniun à insciö podü mostré so savëi y süa pasciun por la musiga a n gran publich.
Chësc isté indere resta la musiga pro Märsche y polca. Impede i tradizionai conzerc sön paiun se sposta la musiga te paisc inanter la jent.
Ai 4 y ai 18 de agost saral da aldì beles dales 18:30 inant de beles melodies te Pedraces: n aperitif cun musiga passan pur hotì y ostaries. Atri aputamënc fora pur l’isté é ai 7 dales 19:30 al Lech Da Sompunt, ai 14 y ai 24 de agost dales 21:00 sön paiun.

 

Onoranzes y musicontri nüs

Ince chesc ann po la musiga onorè n member, Johannes Valentin por sü 15 de ativité pro la uniun y cumpede 5 membri nüs: pro les trumbëtes Nagler Maximilian, Schenk Alex y Pallestrong Noah, pro le saxofon Sottara Mara y na marcadentra Tavella Valentina. A chisc jogn orunse ti aodè döt le miù pro nosc bel grup! Nia ma musicontri mo ince na dirighenta nöia. La fortüna de avëi plö dirighënc pro na
musiga ne el nia tröc che à. Mo cun chësc ann podunse nos ne compedè 4.
Canche an dij che le pom ne toma nia dalunc dal lëgn spo an podü odëi le miù ejëmpl al conzert d'aisciöda: le dirighënt Fridl a podü ti de la bachëta tla man a süa möta Hanna, che à acompagné cun süa bona orëdla i musicontri tl toch Tiera Ladina de Antonio Rossi, ghest present tartan le conzert. Ince a vera ti aodun döt le miù por so dagnì tl ciamp dla musiga

valutaziun
Submitting your vote...
stampè