Home
Noeles

“FERRAGOSTO” A LA ILA

Jöbia ai 15 d’agost dales 11.00 inant festa tl zënter dl paisc y dales 14.30 sarale la gran defilada dal tema “te hotel”

Sciöche da tradiziun gnaral tigní ince en chësc ann la festa de Santa Maria dai Ciüf tl paisc da La Ila, la jöbia ai 15 de agost dales 11.00 inant. La müjiga da La Ila deura la festa cun so conzert y dales 13:00 podaran ti ciaré al’esibiziun di plattleri dla Val Badia. I Stödafüch y la Müjiga da La Ila fistidiará fora por düt le de da dé fora de vigni sort de spezialites ala grilia sciöche ince turtres. Dales 14.30 podaran amiré la defilada fora por le zënter da La Ila, en chësc ann caraterisada dal tema “te hotel”. Da odëi sarale de vigni sort de ciars y de costüms che rapresentëia la vita te n hotel da inlaota.  Dedô jará la festa inant cun deplü sorts de jüc por pici y gragn y cun le conzert dla Müjiga da La Val. Da sëra gnarale pité musiga da bal cun le grup “Vollgas”.

Ai 25 d’agost gnarale metü a jí tres tl parch dlungia la scora dai schi la segra da La Ila. Al gnará dé fora ince en chësta domënia spezialites gastronomiches y al ne manciará sambëgn nia intrategnimënt musical.  

 

valutaziun
Submitting your vote...
stampè