Home
Noeles

Jita di mёmbri dla Cassa Raiffeien Val Badia

La sabeda, ai 26 d'otober 2019, á 22 mёmbri dla Cassa Raiffeisen podü tó pert adöm cun so partner, le diretur y le vize presidёnt ala jita tradizionala di mёmbri, che i á condüt en chësc ann sö por Vinschgau.

La jita é gnüda organisada por chi mёmbri che á albü la fortuna da gní trac fora en gaujiun dla sentanda generala di 12 d’aurí 2019.

En chёsc ann él gnü chirí fora le raiun de Vinschgau por passé n bel de en compagnia. Passan cun le bus inanter pra de lëgns dai poms madüs y de vigni corú, á i partezipanc arjunt Laas, olache Franz Waldner nes á cunté de vigni sort sura l'ermo che vëgn ciavé fora dailó. L’acompagnadú é ste diretur  dla „Laaser Berufsfachscule für Steinbearbeitung „Johannes Steinhäuser“ y nes á splighé cun gran savёi y pasciun sciöche döt é pié ia, l’importanza dl ermo por la popolaziun locala y süa lauraziun. Inultima nes ál condüt tl zёnter de Laas a ti ciaré ala cortina dales fosses feter dötes de ermo. Al nes á ince mostré le deponimënt dl ermo, olach'an odô de gragn cadrí d'ermo arjigná por l’esportaziun y la lauraziun. Al nes á cunté olache l'ermo da Laas é rové indluch sura döt le monn y ince dles beles statues y scultöres che é gnüdes fates cun chësc material prezius.

Da misdé sunse spo rová tla plü picia cité de Südtirol, Glurns, olach'al nes é gnü tenü sö l’aperitif y na buna marёna cun produc dl post tl restaurant Flurin, tl zёnter de Glurns, che festejâ avisa en chël de n ann d’ativité; le team de jogn nes â tut ite te na bela manira cun profescionalité y savёi.

Do marёna á i mëmbri podü chirí fora danter na spazirada tla cité de Glurns, conesciüda por sü mürs medievai incer döta la cité, les tors y les ciases dl XVI secul o na vijita ala Puni Distillery, la pröma y unica destilaria de whisky dla Talia. Tla sёnta moderna dla Puni á i partezipanc podü ciarcé ince döes sorts de whisky.

L’acompagnadёssa nes á cunté la storia dla cité y nes á acompagné fora por les strades strёntes  dl zёnter mostran les atraziuns y i fabricac medievai dla cité.  Al s'á mudé püch dal XVI secul incá y an pó dötaurela sintí te vigni piz la storia rica dla cité. Ara nes á ince cunté la liёnda dl prozes che la localité de Glurns á invié ia cuntra les sorüces.

Por stlüje jö en belёza s'á le grup ciamó arichité a Varna te n lüch da paur. I mёmbri á ciamó podü sté n pü' adöm pro na buna panicia, tutres y spёisa da paur.

Sön le iade cun le bus da gní indô tla Val Badia á le vize Presidёnt Complojer Franz rengrazié i sozi dla buna colauraziun y dla bela compagnia .

valutaziun
Submitting your vote...
stampè