Home
Noeles

Le Rait de San Linert dles valades ladines y de Südtirol

En domënia ai 3 de novëmber vëgnel tigní la 21ejima ediziun dl Rait de San Linert dles valades ladines y de Südtirol. Ince en chëst ann tolarale pert ciavai y zidladusc dales valades ladines y da düt Südtirol.  La festa mët man cun la santa mëssa dales 09:00 tla dlijia de Badia. Dales 10:45 podaran odëi la defilada da Pedraces cina a San Linert, a chëla che al tolará pert 130 ciavai haflinger y norics. Sön un di ciars podaran amiré la statua de San Linert y le model en miniatöra dla dlijia de Badia, fat dai artejans dl post, sciöche ince le ciar cun i produc locai, che vëgn venüs ala fin dla defilada. Dl intrategnimënt musical sides tratan la defilada che ia por le de da festa se crüzia les müjighes de Badia, Urtijëi y Hafling sciöche ince le Bal Popular Val Badia. Sambëgn ne manciará nia le cor de dljia, i ministranc, la jënt cun i guanc da zacan, le degan Iaco Willeit y l’ombolt Iaco Frenademetz a ciaval.  Le Rait de San Linert é dandadüt ocajiun por perié do la benedisciun di tiers y sü patruns.

Por le prüm iade vëgnel metü a jí n spetacual dl rait “Oswald von Wolkenstein” adüm ales trëi scuadres de “Ciastel paisc”, dla familia Zöggeler da Fie y chëla da Tires “Haniger-Schweige”. Ales se mosörará te dües disciplines sön la pastüra da San Linert; dales 12:30 mët man la prüma manche y la finala é preodüda por les 14:00.  La festa jará inant sides tla ciasa dles uniuns a Badia che tla tënda, olache al vëgn dé fora spezialites gastronomiches dales uniuns di paurs y dai stödafüch. Domisdé sarale la Böhmische de Badia y da sëra le grup « Die Verspielten » che sona tratan che an pó se gode val’ciastagna. La manifestaziun vëgn tignida ince en cajo de burt tëmp.

Por le sostëgn finanziar dla manifestaziun vëgnel ringrazié le Comun de Badia, l’Assoziaziun Turistica de Badia, la Cassa Raiffeisen Val Badia, la dita Forst, la uniun di ciavai halfinger y norics de Südtirol y düc i atri sponsor.

valutaziun
Submitting your vote...
stampè