Home
Noeles

Atmosfera da Nadé ti paisc da Corvara y San Ciascian

Fora por l’Advënt y tratan les festes da Nadé gnarale ince en chëst invern metü a jí le pice marcé da Nadé sön plaza de Comun a Corvara y le Paisc da Nadé tl zënter dl paisc da San Ciascian. Trami i marciá da Nadé metará man ai 6 de dezëmber y al gnara pité dales 16:00 ales 19:00 produc locai, articui de artejanat, decoraziuns da Nadé mo ince spezialites gastronomiches tradizionales. N program rich de ativites y manifestaziuns musicales cun grups dl post ti fajará da cornisc ai marciá, abelis da lüms y deoraziuns tradizionales. Le marcé da Corvara é davert de dezëmber dai 6 ai 8, dai 13 ai 15 y dai 20 ai 5 de jená, y te valgünes ocajiuns á i mituns la poscibilité da fá n pice rait cun i pony.  A San Ciascian, olache le Paisc da Nadé é davert vigni de dai 6 de dezëmber ai 6 de jená, podaran fá na picera roda cun i alpaca y i lama vigni secunda sabeda y domënia y al sará ince val’sëra olache al sará da odëi le famëi cun sües ciores. Ai 6/12 vëgnel tigní la festa de inauguraziun dales 18:00 y denant gnarale San Micurá a ciafé i mituns dales 17:30. Le program cun dütes les informaziuns ciafen ti ufizi informaziuns dl’Alta Badia.

valutaziun
Submitting your vote...
stampè