Home
Noeles

Mostra y defilada de angeli a Corvara

En chësc ann sará i angeli i protagonisć dl’Advënt tl paisc da Corvara. En vëindres ai 6 de dezëmber vëgnel tigní dales 16:30 la vernissage dla mostra d’ert “Angeli” adüm a Daniela Serafini y intrategnimënt musical. La mostra cun operes di artisć Paul Moroder, Ivo Piazza, Leo Ferdinando Demetz, Otto Piazza, Arianna Gasperina y Luisella Furlan Odorizzi restará daverta dai 6 ai 8, dai 13 ai 15 y dal 20 de dezëmber ai 5 de jená tres dales 16:00 ales 19:00 tl salf dles manifestaziuns a Corvara. La terza ediziun dla defilada di angeli vëgn organisada la sabeda ai 7/12 y ala mët man dales 16:00 pro le stade dla dlacia, olache les “Ice Angels”, les mitans dl jadiné artisich, mostrará na cürta esibiziun sön la dlacia. La defilada pëia spo ia do le spetacul dal stade dla dlacia, fora por le paisc de Corvara, por rové sön la plaza de comun pro le pice marcé da Nadé. Chiló gnarale tigní n conzert adöm a deplü grups musicai, che porta dant les plö beles melodies d’Advënt y da Nadé. Düc chi che ess interes y ligrëza é dër bel inviá da tó pert ala defilada di angeli a condiziun che an sides vistis sö da angeli. Deplö informaziuns pro l’ufize turistich da Corvara al nr 0471 836176 o por email corvara@altabadia.org.

valutaziun
Submitting your vote...
stampè