Home
Noeles

Ert sön pista

Tl raiun dai schi da La Crusc vëgnel metü a jí por le terzo iade la manifestaziun “ert sön pista”, tratan chëla che al gnará realisé deplö scoltüres de nëi. La manifestaziun vëgn organisada en colaboraziun cun la scora profescionala Cademia de Urtijëi y dai 13 ai 15 de jená sarale 5 scuadres metüdes adüm da scolars dla scora profescionala da Urtijëi, che arjigna ca na scoltöra de nëi. “Volumi” é le tema dla ediziun da en chësc ann chirí fora adüm al profeser Andreas Tomasini le tema “Volumi”. Vigni scoltöra vëgn metüda fora dan da na ütia o jö da pe dles pistes dl raiun dai schi da La Crusc, pian ia dala pista de Gherdenacia a La Ila cina pro les üties sön les pistes de Badia. A chësta moda pó i spetadus y i amanc dl’ert amiré les operes, jan cun i schi da na ütia al’atra, sides tratan la realisaziun dl’opera sciöche ince tles edemes dedo.  An ará ince la poscibilité da chirí fora la plö bela opera sön le profil facebook dl’Alta Badia.

valutaziun
Submitting your vote...
stampè