Home
Noeles

Paslunch – gara de conclujiun

Ince por chësta sajun da d’inver se á n bel grup de mitans y mituns indô scrit ite al curs de paslunch. Edema por edema esi gnüs, cun gran entusiasm, tröp ai imparé, ai s’á devertí y á passé de beles ores deboriada cun cumpagns che ai conësc y amisc nüs.

Les capazites che ai á arjunt söi schi ai podü desmostré tratan la gara de conclujiun, che é gnüda metüda a jí en vëndres, ai 14 de forá 2020, tl zënter de paslunch da San Ciascian, sön dui percursc desvalis por la categoria di plü pici y chëra de chi maius.

Do la premiaziun y la surandada dles medaies ai plü asvelc an ciamó fat na picera lotaria, olache vigni partezipant á ciafé un di bí pesć ofris dala Cassa Raiffeisen da Calfosch.

Düc adöm á insciö podü passé n bel domisdé deboriada, y ince le tëmp á daidé para se scincan n bel sorëdl cialdin.

 

La scora de paslunch oress sporje n gran giulan a düc chi che á daidé por che sides le curs co ince la gara finala garatess tan bun:

I maestri che á acompagné i mituns cun gran entusiasm y paziënza; Robert Pizzinini che se á cruzié da arjigné ca tres na bela pista; les mitans y i mituns che á partezipé cun gran lezitënza y cun tröpa bona löna; i geniturs che vigni edema i á condüc adalerch; Rinaldo Crepaz che se á cruzié da tó jö le tëmp tratan la gara; y nia por ultimo la Cassa Raiffeisen che á sponsorisé les medaies y i bí pesc dla lotaria.

 

I se aspetun indô n ater ann y i sperun che tröc mituns y tröpes mitans ais ligrëza da imparé chësc sport bel y sann.

valutaziun
Submitting your vote...
stampè