Home
Noeles

N bal garaté!

Bele te cuarta classa ên nos studëntes y studënc dl lizeum linguistich y lizeum dles sciënzes umanes da La Ila sigüsc da orëi organisé, por stlüje jö en belëza y en compagnia l’ultim ann de scora alta, n bal de maturité. L’organisaziun é stada sfadiosa y nia tres saurida, mo ara se á fat madorí sciöche classa, daidan a renforzé nosc lian de grup, implü un imparé tan de laur y responsabilité che al se ascogn do l’organisaziun de n te evënt. Le tëmp é passé snel y tosc êl bele le de de nosc bal de maturité, i 14 de setëmber. Un passé na bela serada en compagnia de geniturs, amisc y insegnanc, che é gnüs intratignis cun musiga de vigni sort y á podü se gode na buna cëna.

Düc nos urun ti fá n rengraziamënt spezial ala Cassa Raiffeisen Val Badia che á daidé da fá garaté de nosc bal cun n contribut finanziar.

valutaziun
Submitting your vote...
stampè