Home
Noeles
Manifestaziun

S.O.S.

Data/ora:
  • 06.07.2020 - 14:00
  • 07.07.2020 - 14:00
  • 08.07.2020 - 14:00
  • 09.07.2020 - 14:00
  • 10.07.2020 - 14:00
Organisadù: Sofia Castlunger

Por jogn y jones dala 5°classa elementara ala 2°classa scora mesana

Atualmënter unse tl Südtirol 19.000 porsones che laora tl ciamp dla proteziun zivila y dla segurëza, sciöche dependënc o volontars. Tröpes ëres y tröc ëi investësc so tëmp lëde por la provinzia y la sozieté. Tratan chisc dis araste la poscibilité da imparé da conësce damí n valgönes de chëstes porsones y istituziuns. Organisaziuns de nosta valada dauriará les portes por os jogn, por ch i podëis ves fá na idea dla complessité y dl importanza de chisc sorvisc. Le moto de chëst edema sará porchël: nia ma ciaré, mo porvé! Te podaras fá tröpes esperiënzes nöies, porvé fora situaziuns de prigo, co te comporté dërt y ince co daidé i atri sc al vá debojëgn. Socoridus dla Crusc Blancia te mostrará tecniches de pröm aiüt por daidé te situaziuns da vigni de. Dai stödafüch impararaste ci fá te caji de medefüch o de inzidënc. Dependënc dl Aiüt Alpin te dará consëis sön la segurëza sö por munt y i socoridus dl ega jarunse sambëgn ince a vijité. N edema dedicada deplëgn ala proteziun zivila!

valutaziun
Submitting your vote...
stampè