Home
Noeles
Foto de Palfrader Pablo

Concurs de dessёgn dla Cassa Raiffeisen

Premiaziun  50° concurs de dessёgn dla Cassa Raiffeisen

La felizité é….chёsc é le titul dla 50ejima ediziun dl concurs de dessёgn dla Cassa Raiffeien.

Ince sc’al é sté n ann dёr particolar y tröpes Casses á renunzié da dó pert al concurs de dessёgn Raiffeisen, ne s’á la Cassa Raiffeisen Val Badia nia trat indó y á porté a fin le concurs. Ince dilan ala buna colauraziun cun les scores á podü la iuria, metüda adöm da Edmund Nagler, a Irina Tavella y Markus Moling, valuté 143 dessёgns dla scora elementara da San Martin, Antermёia, Lungiarü y La Val y 47 dessёgns de scolars dla scora mesana da San Martin de Tor.

Chёsta gran partezipaziun á dër plajü y an á podü odёi che sc’al é la orenté y l’interes, spo vára da porté a fin proiec ince atramënter co tla manira preodüda danfora: insciö á i scolars en pert metü man da fá le dessёgn a scora y l’á spo rové a ciasa. Ai á spo albü la poscibilité da ciarié sö i dessёgns sön na plataforma metüda a desposiziun dala Cassa Raiffeisen.

Ince la iuria n’á nia podü odёi i dessёgns dal vi, mo ara i á valuté digitalmentёr. Ala iuria ti él ince salté al edl la gran varieté de idees y composiziuns y la diversité dles tecniches da dessigné: chёsta gran varieté é magari ince gnüda a s’al dé deache i scolars n’á nia depёnt döt le dessёgn a scora, olach’ai gnô influenzá dai dessёgns di compagns, mo a ciasa olach’ai ê susc da se dé jö cun le dessёgn.

En chёst’edema á i davagnadus podü pié do de bi pesć: indöt él gnü partí fora 11 rodes da munt, 4 mappamondi, 3 blootoot, jüc…

Les premiaziuns é gnüdes tignides “tl pice ambiënt” tles filiales de San Martin de Tor y de La Val, por gauja dles restriziuns Covid, mo ares é impó dёr garatades y i davagnadus á podü pié do cun gran ligrёza i pesć.

Al é gnü premié i trёi dessёgns plü bi de vigni categoria; le pröm vёgn spo mené a Balsan olach’al gnará ciamó n iade valuté da n’atra iuria y eventualmёnter mené inant a livel europeich.

Sciöche tröc sá, él bёgn 7 stac dl’Europa che tol pert a chёsc concurs. Por vigni dessёgn che vëgn dé jö spёnn la Federaziun Raiffeisen 0,50 € por benefiziёnza a na organisaziun che se dá jö cun mituns. L’ann passé él gnü spenü indöt te Südtirol 5.700,00 €.

La Cassa Raiffeisen tol l’ocajiun da rengrazié les scores, la iuria y dantadöt i scolars por i beliscimi dessëgns… plëgns de felizité y s’inconforta al ann che vëgn por na ediziun nöia.

valutaziun
Submitting your vote...
stampè