Home
Noeles

Iluminaziun dla via ferrata Tridentina

Ince en chësc isté vëgnel metü a jí la tradizionala iluminaziun dla via ferata Tridentina a Calfosch. En vëindres ai 31 de messé sarale n valgügn mëmbri dl grup de alpinisć Croderes che iluminëia le tru dal Ju de Frara cina sön Pisciadú dales 21:15 inant.

La via ferata Tridentina é gnüda inaugurada de messé dl 1960 da pert dl mënacrëp Germano Kostner. Adüm ai Alpini dla Brigata Tridentina ai progeté la ferata sön la tor Exner y tl 1967 él spo gnü tut la dezijiun da fá ince la secunda pert dla via ferata injuntan le punt, che é deventé le simbol dla Ferata Tridentina. Dal paisc da Calfosch podaran amiré tl scür dla sëra la iluminaziun.

 

 

valutaziun
Submitting your vote...
stampè