Home
Noeles
(C) Alex Moling

Saus dl altonn

Les ultimes dües edemes de setëmber tl’Alta Badia sará caraterisades dal’iniziativa Saus dl altonn, che valorisëia i produc locai, les munts y la natüra che vëgn abelida dai corusc dl altonn. Pro cinch üties gnarale pité dai 13 ai 27 de setëmber derzades fates cun n produt local, assegné a chëla ütia y üna dles derzades é stada ideada da n cogo da stëres de Südtirol. Te deplö ocajiuns sarale le produtur y le cogo pro la ütia che presënta personalmënter so produt y so tai. Les üties pon arjunje a pe, cun la roda o tolan i implanc portamunt, che sará en funziun cina ai 27/09. Tartan les dües edemes podaran implö tó pert a ativites desvalies siöche na escurjiun por jí a ciaré le lové dl sorëdl, iniziatives liades al monn dles ês, na degustaziun de vins tratan le jí jö dl sorëdl ai 18/09, n workshop de fotografia sön Armentara ai 23/09 y por stlü jö la festa Sonns y saus d’Armentara ai 27/09. Deplö informaziuns ciafen ala plata internet www.altabadia.org y les iscriziuns ales ativites mëss gní fates te un di ufizi turistics.

valutaziun
Submitting your vote...
stampè