Home
Noeles

Atmosfera da Nadé ti paisc dl’Alta Badia

La nëi, les lüms che abelësc i paisc y les melodies plajores é ci che caraterisëia le tëmp d’Advënt y dl Nadé. Ince sce en chësc ann él n momënt particolar an impó orü cherié n’atmosfera da Nadé ti paisc dl’Alta Badia. Sön la plaza de cumun a Corvara pon odëi na cripele de grandëza naturala fata de lëgn dal scoltur Leo Moroder de Urtijëi y melodies da Nadé fajará da cornisc musicala vigni de dales 16:00 ales 19:00. Ince sön la plaza de dlijia a Calfosch pon amiré na cripele fata a man. Tl zënter da S. Ciascian se á le Paisc da Nadé trasformé te na mostra alaleria, che cunta y spliga les tradiziuns ladines d’Advënt y da Nadé. An podará spaziré fora por le paisc y descovrí sön les tofles metüdes fora les usanzes sciöche la gherlanda d’Advënt, la cripele, San Micurá, la bambona, le jí a fëies , le trá la scëiba y i.i. A La Val se impëia vigni de cina Nadé na finestra nöia sön les falzades dles ciases, insciö da cherié n calënder d’Advënt de lüms y corusc fora por le paisc. Dütes le decoraziuns y l’abelimënt sará da odëi cina ai 6 de jená.

 

valutaziun
Submitting your vote...
stampè