Home
Noeles

Nutizies dal Aiut Alpin Dolomites

L'ena passeda à l Aiut Alpin Dolomites abù do la rata puec ntervënc. Danter l auter iesen julei a Tires per jì a ti judé a n pitl mut de trëi ani che se à trat ados n gran sas ntan che l fajova damat te na luegia dal sablon, se fajan mel a na giama. Do che l dutor l à vijità, fòvel dla minonga che l mut pudëssa se avëi rot l os dla cuessa. Nsci iel, deberieda cun si oma, unì menà te spedel a Bulsan cun l joler.

For a Tires iesen nce julei per n ël de 54 ani tumà da scela ju, se rumpian la copa dl cë y se fajan nce mel a tramedoi sciables. Cun l aiut di uemes di Judacrëp dl luech ie l ël unì ciarià te joler. Pona l àn menà te spedel a Bulsan.

A Villanders ie l joler dl AAD julà pra n luech da paur per n'ëila de tëmp che ne se n stajova nia drë' bën. La ie nce tumeda ntëur plu iedesc. La muta, che lëura te spedel, à damandà l ntervënt dl joler. Do la vijita dl dutor àn menà la landa te spedel a Persenon.

A Fie iesen julei pra n'ëila de 80 ani positiva al Covid-19. Do che l dutor dl Aiut Alpin l'à vijiteda, àl tëut la dezijion de la mandé te spedel a Bulsan cun l'ambulanza. Davia che la situazion fova sot a cuntrol, ne n'ie l dutor nia furnà ju pea.

valutaziun
Submitting your vote...
stampè