Home
Noeles

Nutizies dal Aiut Alpin Dolomites

L’ena passeda à l Aiut Alpin Dolomites abù do la rata puec ntervënc, coche nce l’ena dant. Danter l auter iesen julei te Funes per n ël de 79 ani che ne se n stajova nia ben. Te cësa iel unit permez i uemes dla Crëusc Blancia, che l à ciarià tl’ambulanza per l mené te spedel. Puech dalonc da cësa se n stajova l ël for plu y plu mel, y per chësc iel unì damandà l ntervënt de n dutor cun l joler. L dutor ti à dat la cures y pona ie l ël unì ciarià te joler per l mené te spedel a Bulsan. Da Bulsan demez ie pona l AAD unì mandà ta Soplajes per n ël de 72 ani. Bele ntan che n julova, àn sapù che l ne ti batova nia plu l cuer. Ruvei leprò, à l dutor purtruep mé plu pudù cunstaté la mort.

N ntervënt àn fat te Fanes tl raion de Piz Loîres, sun l cunfin danter Mareo y La Val, pra n schialpinist cun n trauma al cë y al mus, do che l ie rundelnà ju per plu de 50 metri per n rone ërt. L joler dl Aiut Alpin à bel riesc udù la grupa de trëi persones dl luech, y à lascià ju cun la binda n dutor y n judacrëp. L jëunn de 23 ani che à batù l cë ie unì metù tla barela y trat su te joler per l mené te spedel a Bulsan.

valutaziun
Submitting your vote...
stampè