Home
Noeles

Ligrëza, divertimënt y pasciun cun la roda

Cun les ultimes gares a Pichl- Gsies ai 04-05.09.2021 unse stlüt jö la sajun dla roda da munt cun i mituns. In chësc ann a tut pert tröc mituns y mitans a i alenamënc y ales gares de Vss, Minibike y Südtirolcup pratican deplü disciplines sciöche cross country, easy down, dual slalom y eliminator. Les presënzes ales gares se á porté süra döt Südtirol y ince fora de ca olache nosc Club Rodes Val Badia Raiffeisen é ince sté sön les classifiches di Internazionali d' Italia sön l ijola dl Elba, Nalles, Trieste…. La sodesfaziun de avëi partezipé é stada grana y an á ince porté a ciasa deplü pesc, copes y medaies.

La partezipaziun di mituns cina 14 agn partis sö te deplü grups alado dles capazites y di alenamënc desvalis de vignun é indo stada grana y a desmostré gran ligreza, pasciun y impëgn. Al é gnü fat deplü ativitês por svilupé y mioré la tecnica, dorada y l laur de grup por ester plü sigüsc y resilienc tles desfides cun la roda. I un podü osservé l mioramënt y la pasciun che chersciö ti mituns y la gran vëia de to pert y crësce sciöche grup. l sport dla roda dëida ince insciö nüsc mituns tl svilup sozial y porta a de bunes fondamëntes por na basa sterscia de sö svilup.

I alenadus Franz, Nikolas, Anna, Susann y Ilse se á ince dé jö y á mostré ligrëza y savëi tl arjigné ca i mituns a chësta ativité. I se aodun che i mituns poi se to para la bela esperiënza y ciafé la pasciun por les döes rodes.

N gran dilan a düc chi che a porté a realisé chësc bel isté y i se inconfortun da se odëi indo en ater ann.

valutaziun
Submitting your vote...
stampè