Home
Noeles

Nutizies dal Aiut Alpin Dolomites

Danter i truep ntervënc che l Aiut Alpin Dolomites fej, n iel for inò de tei da fé de nuet. Dantaldut ti crëps ie i alpinisć po’ cuntënc che i ne à nia drë de passé la nuet alalergia. N di de gran note iel stata n vënderdi ai 10 de setëmber ulache n ie julei ora bën set iedesc y mo doi iedesc de scur.

Per jì a tò escusciunisć che se à fat mel y ne fova nia plu boni de jì inant, iesen julei sot ala utia de Scilier ju sun l »Prügelsteig«, te Pflersch sa la Magdeburgerhütte, sëura Pederü y sa la Gartlhütte tl Ciadenac. Te Sexten iesen unic cherdei per jì n aiut sot ala utia Zsigmondy, ulache n ël ie tumà ju n 5 metri per n parëi sot al troi, se fajan mel al cë y a na man.TeFunes ie n turist tudësch de 67 ani burdelà jun10 metri se fajan mel al cë y al uf.

N ntervënt per alpinisć ruvei te deficulteies àn fat deberieda cun i judacrëp de Gherdëina tla via »Regenbogen« sun parëi de Mëisules dla Biesces, ulache n jëunn fova tumà tla corda. I cumpanies ova calà ju l ferì japé dla via ulache i judacrëp à pudù ti dé la prima cures, ma l ova n trauma al spinel y ova nsci de bujën de n dutor. Do avëi lascià ora n hovering i uemes dl Aiut Alpin, àn ciarià l jëunn tl sach dala binda per l mené te spedel.

Sun la via Solleder tl parëi dl Civetta ne fova doi jëuni nia plu boni de jì inant. L medemo ti ie suzedù a na grupa de alpinisć de Milan tla via Dimai sun l Grohmann, che fova bele scialdi insù ma fova ruvei ora dla via. Te tramedoi caji i àn tëuc ora un al iede cun l aiut de na binda longia y i à menei al segur. L fova bele do la 10 da sëira canche la zentrela de Pieve ova damadà aiut per doi ntervënc ti crëps, ulache alpinisć ne fova nia boni de jì inant. Un iede sun l parëi sud la Marmolada y l auter sun la Tofana di Rozes. Tres n jol de nuet y cun l aiut di judacrëp de Fascia y dl’Alta Badia iesen stai boni de purté duc i alpinisć al segur. Cin’ alpinisć fova sun la via Don Quichote tla Marmolada y trëi sun la via Dimai sun la Tofana.

Tl raion dl Monte Popera a 2.500 metri ie n ël sbriscià ala fin dla via fereda Zandonella y ne fova nia plu bon de jì inant, nce ël iesen jic a tò cun la binda y l à menà a Cortina te spedel.

Ora di ntervënc ti crëps àn nce fat de plu ntervënc per de tei dala roda, ma nce dal motor sun streda y ora de streda. N ie nce unic cherdei per n paur che ie tumà ju dl tractor, a Longiarù per n laurant che ie tumà ju de na scela y se à fat mel al fil dl spinel. Per de tei dal parapënd che se à fat mel a muever iesen julei sun Mont de Sëura. De plu ie coche for stac i ntervënc saniteres.

valutaziun
Submitting your vote...
stampè