Home
Noeles

Formaziun Finanziara – Raiffeisen

Cun i 14.12.2021 él jü a piz le proiet dla formaziun finanziara metü a jí dala Cassa Raiffeisen en colauraziun cun les Scores Altes da La Ila. 10 studënc dla 4a classa dl Lizeum y 15 studënc dl Istitut Tecnich Economich s'á dé jö cun tematiches che reverda le monn finaziar. Do le proiet messâ i studënc arjigné ca n bilanz cun les poscibilités de sparagn y respogné a 30 domandes sura le monn dla finanza y dl'economia. Indöt él gnü formé 7 grups metüs adöm da trëi o cater studënc che s'á dé jö cun la tematica. Le diretur dla Cassa Raiffeisen Hubert Obwegs y la colauradëssa Maria Rubatscher á podü premié düc i partezipanc cun na picia scincunda y ti á surandé n bon de 150,00 € al miú grup, che é ste le grup „Beate fra le donne“ metü adöm da Alexa Ties, Silvia Vanzi, Lorenz Rubatscher y Laura Rindler. Cun 81 punc arjunc ái demostré da avëi dër de bunes conescënzes tl ciamp finanziar. Ciamó n gran dilan ala professuria Michaela Willeit che ti é stada do al proiet y a düc i studënc che á demostré n gran impëgn y na buna colauraziun. 

valutaziun
Submitting your vote...
stampè