Home
Sorvisc
Foto de archif merz 2019

Reuniun generala Cassa Raiffeisen Val Badia

Ai 30 d'aurí dl 2020 á nosta Cassa tigní la reuniun generala por l'aprovaziun dl bilanz 2019. En chësc ann é sté chësc nosc evënt plü important dl ann dër particolar. La pandemia dl Covid19 y les restriziuns imponüdes dala legge n'á nia conzedü na reuniun cun la presënza personala di sozi te salf. Chësc é por nos n gran desplajëi; é pö nosta reuniun vigni ann n beliscim evënt olache döta la Val Badia s'incunta por ciafé informaziuns sön l'economia y sön l’andamënt dla Cassa y sté dedô adöm en aurela cörta.

La reuniun á messü gní organizada cun deleghes, che i sozi é gnüs inviá da surandé a n deleghé su tla porsona de Franco Bertoldi.

Cun grandiscima sodesfaziun unse podü cumpedé 497 sozi che á dé jö süa delega, de chëstes n'él sté 454 che á valü. I sozi á insciö dé n gran segnal de aprijamënt dl'ativité dla Cassa. Dër bel dilan.

La reuniun generala, insciö costituida, á spo deliberé sön i punc al ordin dl de aladô dla orenté manifestada dai sozi cun la delega. Al é gnü aprové le bilanz che á stlüt jö cun n ütl de 4,7 miliuns de Euro, n resultat che nes dá dër na gran sodesfaziun y che é gnü metü a resserva por podëi superé i proscimi agn che ará de maius dificultés. I bugn resultac arjunc ti ultimi diesc agn á renforzé nosc patrimone, y chësc nes conzedará ince da ti sté dlungia a nosta economia ch'ara sides buna da se romëte dala crisa atuala.

N bel dilan de cör a düc nüsc sozi y cliënc por le bun lauré adöm. Deboriada sarunse bugn da superé dötes les dificoltés ch'i incuntun.

stampè